Manuel Villanueva, no inicio das Festas do Carme: "A Marín nunca lle puiden negar nada"
Por Redacción
As Festas do Carme de Marín xa están, de maneira oficial, en marcha. O pistoletazo de saída, tras varias actividades previas, púxoo Manuel Villanueva, que deu onte á noite o pregón das festas desde o palco da Alameda do municipio.
Villanueva, actual director xeral de Contidos da cadea de televisión Telecinco, como non podía ser doutra maneira protagonizou un pregón cun marcado contido audiovisual, apoiado por varios vídeos nos que repasou a súa relación con Marín ao longo dos anos.
Neles, ademais, participaron personalidades como a escritora Susana Fortes, o músico Carlos Núñez, o escultor Paco Leiro, o actor Luís Zahera ou a xornalista Susana Pedreira, elaborados pola produtora marinense Trece Amarelo.
Tras destacar que a Marín "nunca lle puiden negar nada", polo que aceptou de inmediato cando lle propuxeron dar o pregón, o directivo de Telecinco quixo dedicar a súa intervención ao mar porque "lle debemos moitas cousas" e sempre está connosco "lembrándonos as nosas orixes".
Manuel Villanueva, que lembrou que naceu no barrio de Cantodarea, repasou durante o pregón a súa infancia en Marín ou os seus recordos vinculados á música, o mar, as festas, as tabernas os bares ou a literatura, animando aos marinenses para gozar destes días.
Ademais da Festa dos Viños da IXP Ribeiras do Morrazo, este domingo a programación das Festas do Carme de Marín inclúen pasarrúas con Trompos os Pés e Chaneiros, unha actividade infantil a cargo da compañía Tarabelos ou o gala Ballet de Galicia no parque Eguren.
En canto aos oficios relixiosos, celebrarase a misa e a procesión en honra a San Cristovo na igrexa de Santa María do Porto.
O luns comezará a Mostra de Artesanía na Alameda e comezarán as verbenas, a primeira a cargo da orquestra Kubo.
Relacionadas:
-
Abraham Mateo e as orquestras París de Noia e Combo Dominicano, nas Festas do Carme
Por Redacción |
-
Os marinenses celebrarán o Día de Galicia con música, romaría e unha alfombra floral
Por Redacción |
-
O concerto de Cali y El Dandee en Marín será finalmente gratuíto
Por Redacción |
-
Unha animada batalla de flores enche de bo ambiente a noite marinense
Por Redacción |
-
O Juan Sebastián Elcano non se perde o Carmen e atraca en Marín o 12 de xullo
Por Redacción |
-
As Festas do Carme de Marín acollerán máis atraccións de feira que en anos anteriores
Por Redacción |
-
Marín deseña un "verán para vivilo"
Por Redacción |
-
Manuel Villanueva será o pregoeiro das Festas do Carme 2022
Por Redacción |