Despregamento dos bombeiros na rúa Riestra tras detectarse un niño de velutinas nunha fachada
Por Redacción
Efectivos do Corpo de Bombeiros de Pontevedra desprazáronse na tarde deste mércores ata a rúa Riestra para atender unha demanda veciñal relacionada coa aparición dun niño de avespas velutinas ou asiáticas nun buraco da fachada dun edificio.
Segundo indicaron os Bombeiros, os veciños detectaron a presenza das velutinas na fachada porque empezaron a entrar nas súas vivendas e pediron a súa intervención, de modo que se desprazaron para tentar buscar unha solución. huecos ventiacion camara de la fachad ay taponaron con conos de madera, quedó tratametno hechos
Dada a forma na que apareceu o niño, nun buraco da propia fachada, optouse por aplicar un tratamento insecticida específico para a súa eliminación. Aplicárono no sitio no que as avespas estaban aloxadas no oco de ventilación da cámara da fachada, e taponaron o orificio de saída cunhas pezas cónicas de madeira que teñen específicas para estes casos.
A presenza do operativo chamou a atención dos transeúntes que paseaban por esta céntrica rúa de Pontevedra ao redor das 16.30 horas da tarde. Atraídos polo despregamento de medios e polos traxes específicos utilizados polos bombeiros, os veciños esculcaron na contorna.
Relacionadas:
-
Alerta polo adianto da chegada das velutinas, como debemos actuar?
Por María José Pita |
-
O PP asegura que os bombeiros de Pontevedra están nunha situación de "semiesclavitud"
Por Oskar Viéitez |
-
Os bombeiros interveñen ante a presenza de velutinas na Avenida da Estación
Por Redacción |
-
Retiran un exame de abellas que aniñara nun banco do Paseo Antonio Odriozola
Por Redacción |