O servizo de recollida de voluminosos de Poio fai máis de 100 retiradas ao mes
Por Redacción
O servizo de recollida de voluminosos continúa a ser unha prestación moi consolidada e demandada pola veciñanza. Así o demostran os datos correspondentes ao que levamos de ano, no que se superan as 100 recollidas de media mensual. Xa só durante o primeiro semestre de 2022 leváronse a cabo máis de 600 actuacións nesta liña.
Segundo explica o concelleiro responsable da área de Obras e Servizos Municipais, Julio Casás, "hai xornadas nas que se rexistran máis de 30 chamadas, moitas das cales tamén se fan para solicitar información. As recollidas semanais son entre 25 e 30 aproximadamente", estima.
Á marxe da actividade durante o verán, destacan as 127 peticións que se realizaron de retirada de voluminosos durante o mes de marzo. Colchóns, mobles, electrodomésticos de todo tipo, chatarra, bombillas ou roupa son algúns dos elementos máis habituais á hora de seren retirados.
A recollida de voluminosos é totalmente gratuíta e está operativa de luns a venres, de 9.00 a 13.00 horas.
O teléfono de atención á cidadanía é o 986771185. O horario de atención ao público é de 9.00 a 13.00 horas, de luns a venres. Se ben o concelleiro de Obras e Servizos agradece a concienciación da veciñanza á hora de usar este servizo ou outros similares, como o Punto Limpo Móbil, recalca a necesidade de que "todos e todas poñamos da nosa parte para que estas cantidades sigan aumentando, xa que é algo que redunda de xeito positivo no coidado do medio ambiente".
O edil socialista recorda que as sancións económicas polo abandono de restos en lugares públicos poden chegar, nos casos máis graves, a superar os 6.000 euros. Julio Casás sinala que este servizo tamén pode ser requirido para a retirada de grandes cantidades de restos de poda. "Estes deben ser retirados a través da recollida ou depositados no Punto Limpo Móbil", explica.
Relacionadas:
-
Valoriza eliminou 32 verteduras incontroladas no primeiro trimestre do ano
Por Redacción |
-
O Punto Limpo Móbil de Poio ten de media 70 usuarios mensuais
Por Redacción |
-
Solicitan a colaboración dos veciños de Portas para evitar o mal uso dos contedores de lixo
Por Redacción |
-
Unha delegación de Guinea Bissau visita a Deputación para afondar no plan Revitaliza de xestión de biorresiduos
Por Oskar Viéitez |
-
Os 'varredores do Lérez' retiran máis de 120 quilos de residuos do río
Por Redacción |
-
Unha media de 70 persoas ao mes achega lixo ao Punto Limpo Móbil
Por Redacción |