A rehabilitación do Forno do Cal converte este patrimonio industrial nun novo atractivo turístico para Vilaboa
Por Oskar Viéitez
A conselleira do Mar, Rosa Quintana, visitou este venres en Vilaboa o proxecto de rehabilitación do Forno do Cal realizado ao abeiro grupo de acción local do sector pesqueiro (GALP) Ría de Vigo-A Guarda.
Rosa Quintana destacou a aposta da Xunta por estes Galp aos que nos orzamentos de 2023 destina máis de 11 millóns de euros para garantir a súa actividade durante a transición ao novo Fondo Europeo Marítimo de Pesca e de Acuicultura (Fempa).
En relación ao Forno do Cal, Rosa Quintana destacou que "o proxecto permitiu converter este elemento do patrimonio industrial de Vilaboa nun novo atractivo turístico".
Durante a metade do século XX neste forno realizábase cal e a mercadoría para poder elaborala chegaba por mar. Este produto destinábase sobre todo á construción para o encalado de vivendas co obxectivo de sanealas e protexelas da entrada de insectos.
O proxecto de rehabilitación deste elemento recibiu unha axuda da Xunta de preto de 93.500 euros e incluíu o acondicionamento da contorna e a súa posta en valor, a través da instalación duns paneis informativos nos que se divulga a actividade industrial relacionada con este forno.
Relacionadas:
-
Vilaboa recuperará o petróglifo de Areeiros e o interior do Forno da Cal
Por Redacción |
-
Unha senda peonil e ciclista unirá o Forno do Cal e as Salinas de Ulló
Por Redacción |
-
O Forno do Cal recobra a vida perdida da man das familias dos antiguos traballadores
Por Redacción |
-
O Forno do Cal de Vilaboa recupera o seu esplendor tras concluír as obras de rehabilitación
Por Redacción |
-
Noventa mil euros para converter o Forno da Cal nun novo activo turístico para Vilaboa
Por Redacción |
-
O Forno da Cal recibirá unha subvención para rehabilitarse e ser activo turístico
Por Redacción |
-
Vilaboa proponlle a Costas un paseo litoral entre as Salinas e o Forno da Cal
Por Redacción |
-
Vilaboa rehabilitará o forno do cal para convertelo nun novo activo turístico
Por Redacción |