Inicio das obras para urbanizar a parcela onde se ampliará o cemiterio municipal
Por Redacción
A parcela anexa ao cemiterio municipal de Poio, na parroquia de San Xoán, atópase en obras dentro do proxecto de urbanización previsto para a ampliación do camposanto.
A empresa Covsa, adxudicataria do proxecto, comezaba estes traballos durante esta semana Santa. O orzamento sitúase preto dos 450.000 euros e o prazo de execución previsto establécese en seis meses.
Marga Caldas, concelleira de Sanidade, achegouse a ver os traballos durante a xornada deste mércores, acompañada polo enxeñeiro municipal. Polo momento, a actividade céntrase en limpar a parcela e demoler e aplanar o terreo.
A ampliación do cemiterio permitirá que se incrementen os nichos nunha cifra próxima a cincocentos. Desta cantidade, 328 situaranse en panteóns. Ademais incorporaranse 82 osarios.
Tamén se habilitará máis espazo para aparcamento na contorna do cemiterio. A obra inclúe a dotación de conexión e accesos á nova parcela, ademais da previsión de construír un almacén e dous aseos no interior das instalacións.
Relacionadas:
-
Moldes anuncia que haberá unha "convocatoria legal" para adxudicar os nichos no cemiterio de San Xoán
Por Oskar Viéitez |
-
O PP reprocha ao goberno de Poio que engana os veciños sobre o cemiterio de San Xoán
Por Redacción |
-
Poio pechou 2022 cun orzamento de 17 millóns e un aforro de máis de 800.000 euros
Por Redacción |
-
Adxudican a obra para a ampliación do cemiterio municipal de San Xoán de Poio
Por Redacción |
-
Luz verde á ampliación do cemiterio municipal de Poio
Por Redacción |