"Indignación" por un novo impacto dos proxectos eólicos no Monte Acibal, a desaparición da Pisada do Mouro
Por Redacción
O colectivo Amil Sen Eólicos continúa a denunciar danos no Monte Acibal, en Moraña, polos proxectos eólicos en marcha. Nesta ocasión, expresa a súa "indignación" pola desaparición da Pisada do Mouro, un importante elemento etnográfico e patrimonial con forma de pisada que presentaba gravados de manufactura humana nos catro puntos cardinais.
A Pisada do Mouro ou 'Pé do Mouro' xa fora previamente danado e desprazado da súa situación orixinal durante as obras de construción do polígono Eólico Acibal e atopábase balizado e sinalizado.
Os veciños, que seguen vixiantes ante os posibles danos ao patrimonio, detectaron hai dúas semanas a falta desta pedra e doutros dous elementos patrimoniais: un gravado dun cérvido e outra pedra con coviñas.
Procederon a denuncialo no Seprona da Garda Civil, que contactou con Patrimonio e coa empresa construtora. A firma recoñeceu que estes elementos foran movidos do monte a unhas casetas de obra para "evitar o malestar dos veciños".
Patrimonio non considera que o Pé do Mouro sexa un elemento etnográfico, sinalando que para que así o fose, faría falta o estudo dun historiador. Tamén admite que descoñecía que tivese gravados de manufactura humana, como demostran as fotogrametrías achegadas polos veciños e que, supostamente, tamén realizara o arqueólogo de obra.
O colectivo veciñal pregúntanse se é tamén a responsabilidade dos propios cidadáns contratar un historiador para facer valer todas as lendas sobre o Coto do Mouro, no que se atopaba esta Pisada do Mouro. "Esta é unha situación máis que se suma á patente falta de estudo e prospección da zona, e que sempre ten o mesmo desenlace: a perda de elementos patrimoniais", denuncian
Ademais, lembran que grazas aos seus descubrimentos e comunicacións ás autoridades patrimoniais confirmouse neste monte a maior concentración de petroglifos de "Tetrasqueis" do mundo.
Solicitan unha vez máis unha prospección axeitada na zona, temendo que moitos destes símbolos xa fosen destruídos, e onde un gravado compatible con estes Tetrasqueis está a piques de ser dinamitado.
Relacionadas:
-
Multitudinaria mobilización en Amil "contra os gobernos e especuladores"
Por Redacción |
-
A xustiza suspende de xeito cautelar as obras do parque eólico de Monte Acibal
Por Redacción |
-
Amil Sen Eólicos presentará o 'Manifesto contra o espolio dos nosos montes e os seus bens'
Por Anxo Lourido |
-
O TSXG rexeita suspender de forma urxente a autorización do parque eólico de Acibal e ordena seguir co trámite xudicial ordinario
Por Redacción |
-
O Consello da Cultura Galega insta a abordar os proxectos eólicos de forma "máis coidadosa e integrada"
Por Redacción |
-
Amil Sen Eólicos denuncia o inicio de voaduras no Monte Acibal sen a revisión de Patrimonio e Augas de Galicia
Por Redacción |
-
Detectan petróglifos danados pola acción da maquinaria de construción do parque eólico do monte Acibal
Por Redacción |
-
A Real Academia de Belas Artes entende que o Monte Acibal non é "o máis indicado" para a instalación dun parque eólico
Por Redacción |
-
Denuncian a destrución de elementos prehistóricos balizados na zona de obras do parque eólico do monte Acibal
Por Redacción |
-
Pontevedra insta a frear a instalación "masiva" de eólicos que "depredan" recursos e territorios
Por Alejandro Espiño |