Cúmprense oitenta anos da inauguración da Escola Naval de Marín
Por Redacción
O 15 de agosto de 1943 inaugurábase oficialmente a Escola Naval Militar de Marín como primeiro centro escolar de Oficiais da Armada Española, despois de ser trasladada desde a súa anterior localización na Poboación Naval de San Carlos, San Fernando, Cádiz.
Tanto o rei Felipe VI como o seu pai Juan Carlos I realizaron parte da súa formación militar nesta Escola do mesmo xeito que fará a princesa Leonor no curso 2024-2025.
A Escola Naval de Marín inaugurouse nun acto presidido polo entón Xefe do Estado, Francisco Franco, acompañado do ministro de Mariña, Salvador Moreno.
A orixe da Escola Naval Militar remóntase ata o ano 1717, cando Felipe V encargou a José Patiño a creación da Real Compañía de Guardiamarinas para dotar aos futuros oficiais da mariña de guerra dunha formación mixta científico-práctica. Tivo o seu primeiro emprazamento en Cádiz, no castelo da vila, por ser o principal porto de recalada das frotas de indias.
Ao longo destes máis de trescentos anos a localización desta Real Compañía de Guardiamarinas pasou por diferentes lugares. Localidades como, Ferrol, Cartaxena e San Fernando. Como curiosidade, en 1871 convértese en Escola Naval Flotante, a bordo da Fragata Asturias con base en Ferrol.
Os actos para celebrar estas oito décadas na vila de Marín terán lugar o próximo mes de setembro.
Relacionadas:
-
A "Promoción Marín" celebra o 25 aniversario da súa gradación na Escola Naval
Por Oskar Viéitez |
-
O Club de Opinión Portocelo conmemora o 80 aniversario da Escola Naval de Marín
Por Redacción |
-
Os novos guardiamarinas da Escola Naval Militar son recibidos no Concello de Marín
Por Oskar Viéitez |
-
A Escola Naval Militar recibe a 116 novos alumnos
Por Oskar Viéitez |
-
A ministra Margarita Robles preside a entrega de reais despachos na Escola Naval de Marín
Por Redacción |
-
Felipe VI, ausente este ano nos actos do Carme na Escola Naval de Marín
Por Redacción |
-
A Princesa Leonor estudará o próximo ano na Escola Naval de Marín
Por Oskar Viéitez |
-
A princesa Leonor recibirá formación militar na Escola Naval de Marín
Por Redacción |