Domínguez ve "moi grave" deixar sen acceso aos propietarios das leiras do vial de Montecelo
Por Redacción
Na execución das obras do novo vial de acceso ao hospital de Montecelo, segundo o portavoz do PP en Pontevedra, Rafa Domínguez, cometeuse un "erro moi grave". Foi o de deixar aos propietarios dos terreos sen posibilidade de acceder ás súas leiras particulares.
Os afectados levan advertindo desde 2021 dos riscos que supoñerían para a seguridade das persoas os defectos no trazado dos viais, a eliminación dos accesos ás leiras e os desniveis dun a tres metros de altura nalgunhas zonas.
Domínguez lamentou que o goberno municipal "ignorara" todas as peticións veciñais, que se opoñen a uns terrapléns que deixan as súas leiras a un nivel máis baixo da estrada, "infravalorando os seus terreos e causando a devastación definitiva dos mesmos".
Neste sentido, o líder dos populares advirte de que, nunha situación de urxencia como podería ser un incendio nas inmediacións de Montecelo, "existiría maior risco e dificultade para apagar o lume" se os terreos están illados e inutilizados polos seus propietarios.
Ademais, aos afectados preocúpalles tamén os posibles episodios de riadas e inundacións que se poidan producir durante o inverno.
Ante a "falta de vontade política" do Concello, Domínguez avoga por unha "solución consensuada" coa Xunta de Galicia, a Deputación de Pontevedra e os propios veciños afectados "para que poidan acceder ás súas leiras despois desta mala planificación".
Relacionadas:
-
Inaugurada a vía perimetral do Hospital Montecelo
Por Mónica Patxot & Anxo Lourido |
-
O Concello pedirá á Xunta que reformule o proxecto do aparcadoiro do Hospital Montecelo
Por Anxo Lourido |
-
Os defectos do novo vial de Montecelo son "única e exclusivamente" responsabilidade municipal, di a Xunta
Por Redacción |
-
O alcalde responsabiliza a Xunta das expropiacións da vía perimetral de Montecelo
Por Mónica Patxot & Diego Torrado & Anxo Lourido |
-
A mellora da liña de media tensión para o Gran Montecelo correrá a conta do Concello
Por Alejandro Espiño |
-
Veciños afectados polo novo vial a Montecelo reclaman reunións cos tres grupos municipais
Por Redacción |
-
Amplían en seis meses o prazo de execución do novo vial de Montecelo
Por Oskar Viéitez |