A colaboración cidadá permite deter dous agresores machistas en Pontevedra
![Oskar](/web/cache/scene/uploads/xornalistas/foto/b40/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/573b7bbf54-perfil.jpg)
Por Oskar Viéitez
Dous homes foron detidos nas últimas horas en Pontevedra como presuntos autores de senllos delitos de violencia machista.
Segundo informou este mércores a concelleira de Seguridade Cidadá, Eva Vilaverde, as detencións foron posibles grazas á colaboración cidadá.
Eva Vilaverde informou que estes dous casos "moi graves" rexistráronse no centro urbano.
O primeiro suceso tivo lugar este martes sobre as dúas da tarde nun domicilio da cidade.
Varios veciños chamaron ás policías Nacional e Local alertando dunha forte discusión no interior dunha vivenda con berros e chamadas de auxilio por parte dunha muller.
Os axentes que acudiron ata esa vivenda comprobaron que a vítima, de 24 anos, tiña lesións na cara, polo que foi trasladada en ambulancia ao Hospital Montecelo para ser atendida. Mentres, o home, que ten 30 anos, foi detido. Ambos eran parella desde hai un ano.
O segundo caso ocorreu sobre as catro da madrugada deste mércores en plena rúa.
Unha testemuña presenciou como un home zarandeaba e propinaba dúas labazadas unha muller, polo que chamou á Policía Local, que detivo o agresor.
A vítima, de 43 anos, e o presunto agresor, de 53 anos, mantiñan unha relación sentimental desde había un par de meses.
Relacionadas:
-
Organizan unhas xornadas especializadas en prevención da violencia de xénero dirixidas a profesionais de diversos ámbitos
Por Redacción |
-
A exposición fotográfica do programa Xuntas abre o 25N en Pontevedra
Por Redacción |
-
Buscan testemuñas dun accidente ocorrido en Andurique
Por Oskar Viéitez |
-
Entran á forza no centro de saúde de Ponte Sampaio e finalmente non rouban nada
Por Natalia Puga |
-
Un incendio dentro dun garaxe obriga a cortar Cruz Gallástegui e desaloxar parte dun edificio
Por Diego Espiño & Natalia Puga | Creada e actualizada
-
Detido un home que roubou ferramentas nun domicilio e vendeunas nunha tenda de segunda man
Por Natalia Puga |