Sabela Castelo revalida o seu título de campioa de España de cros
Por Redacción
Grandes noticias para o atletismo pontevedrés as que deixou o Campionato de España de Campo a Través celebrado durante a fin de semana na localidade madrileña de Xetafe.
O resultado máis destacado foi o conseguido por Sabela Castelo, atleta da Sociedad Gimnástica de Pontevedra, ao lograr revalidar o título de campioa nacional en idade sub-16. Fíxoo ademais cunha exhibición, como recoñecía mesmo a Real Federación Española de Atletismo, ao completar os 4.067 metros de recordido nun tempo de 14 minutos e 55 segundos, superando por máis de medio minuto á tamén galega Paula Fernández (15:28), que levou a medalla de prata.
— atletismoRFEA (@atletismoRFEA) January 27, 2024
¡Qué exhibición de Sabela Castelo para revalidar su título de campeona de España sub16 de cross!#CESA pic.twitter.com/LxI0G9ilqn
Os seu resultado foi ademais clave para que a Selección Galega se fixese tamén co ouro por equipos, unha medalla que repetiu na categoría sub-18 feminina na que Sabela Martínez (Gimnástica) colaborou cun sétimo posto individual.
CAMPIONATO DE GALICIA ABSOLUTO EN PISTA CUBERTA
Outro foco de atención atlética da fin de semana para a Gimnástica foi o Campionato de Galicia Absoluto en Pista Cuberta celebrado en Ourense.
Na cita autonómica destacaron os triunfos de Cris Garrido nos 60 metros lisos, Sergio Coello en lonxitude e Pablo Bocelo nos 1.500 metros.
Relacionadas:
-
Sabela Martínez colga o ouro no Campionato de España Sub-18 en pista cuberta
Por Redacción |
-
Os atletas da Gimnástica suman experiencia no Campionato de España Absoluto en Pista Cuberta
Por Redacción |
-
A Gimnástica roza o dobrete na Copa Xunta de atletismo en pista cuberta
Por Redacción |
-
A Gimnástica e o Pinarium soben ao podio no Campionato Galego de Campo a través
Por Redacción |
-
Catorce atletas súmanse a Jean Marie Okutu na renovación do equipo masculino da Gimnástica
Por Alejandro Espiño |
-
A Gimnástica reforza o seu equipo feminino con seis novas incorporacións
Por Redacción |