A Gimnástica reforza o seu equipo feminino con seis novas incorporacións
Por Redacción
Con seis novas fichaxes para o seu equipo feminino afronta a Sociedad Gimnástica de Pontevedra a tempada deportiva de 2024. O obxectivo destes reforzos é fortalecer o persoal para tratar de ascender á División de Honra de atletismo.
Unha das grandes apostas será a lucense Lucía Sánchez del Valle, atleta internacional con España en probas combinadas. Leva batendo récords autonómicos desde as categorías de formación e, actualmente, ostenta os records galegos sub18 e sub20 de heptatlón.
Coa súa fichaxe, segundo o club, a Gimnástica gaña "polivalencia e versatilidade", pois esta atleta posúe marcas persoais de nivel para calquera proba das que conforman o elenco das combinadas femininas, polo que "poderemos aliñala segundo as necesidades do equipo".
A ela sumarase Antía Martínez Queimaño, que chega do Ría de Ferrol para reforzar ao equipo nas disciplina de valos, tendo unha mellor marca persoal nos 60 metros de 8.91; ou Ariadna Gil, procedente do Vila de Cangas, cunha marca de 11.92 en triplo salto sub23.
O club pontevedrés tamén fichou a outra sub23, a lanzadora Victoria Eiriz, anteriormente no Celta, que ostenta unha mellor marca persoal en martelo de 46,19 metros.
Sabela Castillo (San Miguel de Marín), unha das grandes promesas do fondo, actualmente sub16, cunha marca 9:44:85 nos 3.000 metros; e a marchadora sub23 Alba Pérez (Negreira), cunha marca persoal de 24:24:89 nos 5.000 metros, completan estes reforzos.
Relacionadas:
-
Desvelado o camiño da Gimnástica no Campionato de España de Clubs de División de Honra e Primeira División
Por Redacción |
-
Os atletas da Gimnástica suman experiencia no Campionato de España Absoluto en Pista Cuberta
Por Redacción |
-
Sabela Castelo revalida o seu título de campioa de España de cros
Por Redacción |
-
A Gimnástica roza o dobrete na Copa Xunta de atletismo en pista cuberta
Por Redacción |
-
A Gimnástica e o Pinarium soben ao podio no Campionato Galego de Campo a través
Por Redacción |
-
Catorce atletas súmanse a Jean Marie Okutu na renovación do equipo masculino da Gimnástica
Por Alejandro Espiño |
-
A Gimnástica sobe ao podio no Campionato de España de Campo a través por clubs
Por Redacción |
-
A Gimnástica pecha a tempada co equipo masculino en División de Honra e o feminino en Primeira División
Por Almu Dapena |
-
O equipo feminino da Gimnástica pasa o corte e pelexará polo ascenso a División de Honra
Por Redacción |