Desvelado o camiño da Gimnástica no Campionato de España de Clubs de División de Honra e Primeira División
Por Redacción
A Sociedad Gimnástica buscará un ano máis a permanencia co seu equipo masculino na máxima categoría nacional, a División de Honra, nunha competición que arrincará o 13 de abril.
O club pontevedrés xa coñece o camiño que lle espera no Campionato de España de Clubs, tras desvelar a Real Federación Española de Atletismo os emparellamentos e sedes da primeira xornada de liga.
No caso do equipo masculino da Gimnástica, estrearase en Soria o citado sábado 13 de abril medíndose ao organizador da xornada Atletismo Numantino, ao CA Fent Cami Mislata e ao AA Catalunya.
Pola súa banda o conxunto feminino debutará na Primeira División un día despois, o domingo 14, no Estadio Vallehermoso de Madrid medíndose ao A.D. Sprint, Delsur Coop La Palma e ao Bahía Algeciras.
A folla de ruta do Campionato de España de Clubs de División de Honra e Primeira División establece que a segunda xornada de competición celebrarase o 4 de maio, na que se decidirá que oito equipos loitarán polo título ou ascenso no caso de Primeira División e que clubs farano pola permanencia na terceira e última xornada, prevista para os días 25 e 26 de maio.
Relacionadas:
-
Paso firme da Gimnástica na primeira xornada do Campionato de España de Clubs
Por Redacción |
-
Sabela Castelo suma un novo título nacional no Campionato de España Sub-16
Por Redacción |
-
Sabela Martínez colga o ouro no Campionato de España Sub-18 en pista cuberta
Por Redacción |
-
Antía Chamosa, quinta no Nacional de marcha e mínima para o Europeo de Roma
Por Almu Dapena |
-
Os atletas da Gimnástica suman experiencia no Campionato de España Absoluto en Pista Cuberta
Por Redacción |
-
A Gimnástica roza o dobrete na Copa Xunta de atletismo en pista cuberta
Por Redacción |
-
Catorce atletas súmanse a Jean Marie Okutu na renovación do equipo masculino da Gimnástica
Por Alejandro Espiño |
-
A Gimnástica reforza o seu equipo feminino con seis novas incorporacións
Por Redacción |
-
O olímpico Jean Marie Okutu volve á Gimnástica unha década despois
Por Redacción |