Pablo Crespo vence no Selectivo de Verducido e gaña o dereito para soñar con París 2024
Por Diego Espiño
A segunda xornada dos 'Trials olímpicos' que a Real Federación Española de Piragüismo está a celebrar no encoro de Pontillón do Castro, en Verducido, volveu a ter protagonismo pontevedrés.
Se o mércores Antía Jácome, Carolina García e Teresa Portela certificaban a súa clasificación para París 2024, este xoves Pablo Crespo gañou o dereito para soñar con estar nos Xogos Olímpicos.
O padexeiro da Escuela de Piragüismo Ciudad de Pontevedra impúxose na proba do C-1 1.000 metros, a única xunto ao K-2 500 feminino na que España non clasificou aínda ningún barco. Por iso, será o representante nacional no Preolimpico Europeo que terá lugar os días 8 e 9 de maio en Szeged, Hungría.
En canto á proba do Selectivo en Verducido, con ampla representanción de deportistas locais, Crespo foi o mellor na final cun tempo 4:00,692, superando por menos dun segundo a Manuel Fontán, do Náutico O Muño (+0:00,803), e a Diego Domínguez do Breogán do Grove (+0:00,986).
Máis lonxe quedaron David Barreiro (Breogán), Noel Domínguez (Breogán) e sobre todo Adrián Sieiro (O Muíño) e Martín Jácome (Ciudad de Pontevedra), que se deixaron ir nos metros finais.
Relacionadas:
-
Meritorio sétimo posto da EP Ciudad de Pontevedra na Copa de España Sprint celebrada en Verducido
Por Redacción |
-
Tras o Selectivo, quenda para a Copa de España Sprint en Verducido
Por Redacción |
-
Antía Jácome gaña o C-1 200 do Selectivo e fará dobrete nos Xogos Olímpicos de París
Por Diego Espiño |
-
Sétimos Xogos para Teresa Portela e primeiros de Carolina García: "Isto só é o principio do que vén"
Por Diego Espiño & Mónica Patxot |
-
"Imos a por todas", asegura Antía Jácome tras a súa clasificación para os Xogos Olímpicos de París
Por Diego Espiño |
-
A París! Antía Jácome, Teresa Portela e Carolina García logran en Verducido o billete aos Xogos
Por Diego Espiño & Mónica Patxot |
-
O encoro de Pontillón do Castro acollerá en abril os 'Trials olímpicos' de piragüismo
Por Diego Espiño |