"Imos a por todas", asegura Antía Jácome tras a súa clasificación para os Xogos Olímpicos de París
Por Diego Espiño
Rodeada de familia, amigos e compañeiros. Así celebrou este mércores Antía Jácome a clasificación oficial para os que será os seus segundos Xogos Olímpicos, os de París 2024.
"Estamos súper contentas, era algo que levabamos querendo moito tempo", afirmou a pontevedresa nada máis saír da auga xunto á súa compañeira de embarcación e amiga María Corbera, á que fai tres anos deixou sen billete a Tokyo.
"Xustamente fai tres anos démonos o abrazo de que unha clasificara para os Xogos de Tokyo e a outra quedaba sen a praza e hoxe podemos confirmar esa praza xuntas que ao final nos fai moitísima ilusión porque somos un barco incrible, temos moita complicidade e estamos felices de estar xuntas. Imos a por todas", sinalou Jácome sobre o pantalán do Complexo Deportivo David Cal Pontillón do Castro.
En canto ao seu futuro en París "creo que o noso obxectivo é sacar a nosa mellor versión, o que fixemos no Mundial. Se podemos sacar o noso 100% e non é medalla eu voume a quedar moi tranquila", defendeu a pontevedresa, actual subcampioa mundial xunto a Corbera no C-2 500 metros.
Antía recoñeceu ademais que lograr certificar o billete olímpico na casa "é súper especial. Ao final temos unha chea de xente na bancada apoiando e sente xenial volver facelo aquí. Estamos felices agora mesmo", concluíu.
Relacionadas:
-
Tras o Selectivo, quenda para a Copa de España Sprint en Verducido
Por Redacción |
-
Antía Jácome gaña o C-1 200 do Selectivo e fará dobrete nos Xogos Olímpicos de París
Por Diego Espiño |
-
Pablo Crespo vence no Selectivo de Verducido e gaña o dereito para soñar con París 2024
Por Diego Espiño |
-
Sétimos Xogos para Teresa Portela e primeiros de Carolina García: "Isto só é o principio do que vén"
Por Diego Espiño & Mónica Patxot |
-
A París! Antía Jácome, Teresa Portela e Carolina García logran en Verducido o billete aos Xogos
Por Diego Espiño & Mónica Patxot |
-
O encoro de Pontillón do Castro acollerá en abril os 'Trials olímpicos' de piragüismo
Por Diego Espiño |
-
Fin de semana de premios para Antía Jácome: "Imos a por todas en París"
Por Diego Espiño |
-
Antía Jácome, un palmarés que asusta con só 23 anos
Por Diego Espiño |
-
Terceira prata mundialista para Antía Jácome e praza para París no C2 500 con María Corbera
Por Almu Dapena |