Un fantástico terceiro cuarto do Arxil condena ao Barça CBS na súa pista (69-78)
Por Sofía Lorenzo
O Arxil, tras a derrota ante o Aros de León da pasada xornada, viaxou esta fin de semana a Cataluña para enfrontarse a un dos pesos pesados da categoría: o Barça CBS. Con todo, aínda que a priori pintaba bastante complicado para as pontevedresas, estas recompuxéronse do golpe e superaron ás ‘blaugranas’ no Juan Carlos Navarro. Ademais, co triunfo, as de Méndez lograron o desquite do choque da primeira volta, no que perderon cunha desvantaxe de dez puntos, esta vez, case coa mesma renda a favor.
Durante a primeira parte, as locais foron claramente superiores, o que supuxo que gañasen ambos os cuartos. Diversos erros das arxilistas, tanto no plano defensivo, como en ataque, que aproveitaron as catalás fixeron que as galegas se fosen ao descanso cunha desvantaxe de 9 puntos (38-29). Pero non minguaron as esperanzas, xa que, de primeiras non supoñía unha diferenza difícil de remontar.
A segun metade foi moi distinta. Un terceiro período fantástico das de Mayte Méndez de 8-24 sentenciou ás barcelonesas, que, pola súa banda, regalaron o partido coa súa caída en intensidade e efectividade durante o mesmo. Un último parcial bastante máis equilibrado supuxo o triunfo das do Arxil, que, finalmente gañaron cunha renda de 9 puntos (69-78).
Merece unha mención especial a xogadora local Cassie Oursler, que anotou 26 dos puntos visitantes.
Agora é momento de preparar o próximo reto. O Arxil recibirá a próxima fin de semana no CGTD ao Lima-Horta Barcelona (sétimo clasificado), equipo que gañou con total comodidade ás de casa o pasado mes de novembro no Pavillón Portell.
Relacionadas:
-
A prórroga acaba co Arxil despois dun partido moi axustado ante o ABDA Avilés (79-75)
Por Redacción |
-
A melloría do Arxil trasládase ás estatísticas
Por Redacción |
-
Volve conseguilo o Arxil no CGTD ante un dos complicados, o Lima-Horta (73-62)
Por Sofía Lorenzo & Diego Torrado |
-
O equipo máis en forma da competición, dura proba para a melloría do Arxil
Por Redacción |
-
Milagros Sanmartín, única candidata á presidencia do Arxil
Por Redacción |
-
Un CGTD vestido de verde non impide a derrota do Arxil ante o Aros de León (63-78)
Por Sofía Lorenzo & Diego Torrado |
-
Un punto que dá alas ao Arxil ante o GDKO Ibaizábal (66-67)
Por Sofía Lorenzo |
-
A falta de gasolina no último cuarto condena o Arxil ante o Cortegada (60-72)
Por Sofía Lorenzo & Mónica Patxot |