O Cisne cadete despídese do Nacional coa cabeza alta
Por Redacción
O Cisne termina a súa 'andaina' no Campionato de España Cadete de Balonmán e o faino coa cabeza alta e sendo un dos oito mellores equipos do país.
Ao longo desta semana xogáronse os partidos correspondentes á fase final da competición, onde os pontevedreses non tiveron a mesma sorte que na rolda anterior, quedándose, así, ás portas das semifinais.
Nesta ocasión, tiveron que enfrontarse, en primeiro lugar (o pasado mércores no CGTD), ao Barça. Derrota dura dos locais, que non comezaban co mellor pé (24-35). A pesar de ser capaces de manter a igualdade no marcador, terminaron cedendo e quedándose coa última praza da clasificación.
O xoves foi a quenda do Ademar León, que, aínda co fantástico partido realizado por Carlos Álvarez (9 goles), conseguiron quedar cos dous puntos (27-30).
Finalmente, os de Óscar Arousa gañaron o último partido da fase final ante o Ikasa BM Madrid, que, aínda que se colocou por diante no electrónico en varias ocasións, acabaron caendo por dous goles (31-29).
As prazas nas semifinais pertencen, desta maneira, ao Ademar León e ao Barça, que se enfrontarán, ao longo desta fin de semana, ao Granollers e Zarautz por chegar á final e facerse co título de campións de España.
Relacionadas:
-
O pontevedrés Carlos Álvarez, convocado cos Hispanos Promesas para xogar o Europeo Open
Por Redacción |
-
O Granollers proclámase en Pontevedra mellor equipo cadete de España ao derrotar ao Zarautz
Por Redacción & Diego Torrado |
-
Derrota do Cisne na súa estrea no Campionato de España Cadete
Por Redacción & Nacho Fuentes |
-
Cita coa historia para o Cisne na fase final do Campionato de España Cadete
Por Diego Espiño |
-
Conceden ao Cisne a organización da fase final do Campionato de España Cadete
Por Redacción |
-
A vitoria ante o Valladolid clasifica o Cisne cadete para a fase final do Campionato de España
Por Sofía Lorenzo & Diego Torrado |