Sana N'Diaye convértese na primeira fichaxe do Pontevedra
Por Diego Espiño
O mes de xullo comeza con movementos no Pontevedra Club de Fútbol. Pechado o capítulo de renovacións e baixas, as últimas as saídas de Kevin Presa e Adrián León, no que respecta a os futbolistas con ficha sénior, os afeccionados estaban á espera de coñecer os primeiros nomes de incorporacións para o novo proxecto deportivo.
O primeiro deses nomes é Sana N' Diaye, centrocampista senegalés de 26 anos de idade que chega precisamente co encargo de facer olvidar a Kevin procedente da Real Balompédica Linense, equipo co que competiu os dous últimos cursos no Grupo IV da Segunda División B. Na liga recentemente terminada participou en 32 encontros (28 como titular) anotando un gol.
N'Diaye conta cunha traxectoria máis dilatada na categoría de bronce, onde disputou 149 partidos en equipos como o Atlético Sanluqueño e o Olot.
O futbolista senegalés ocupará unha das tres fichas sénior dispoñibles e firma co Pontevedra por unha tempada.
Tras a súa contratación, os esforzos céntranse agora no posto de defensor central e de dianteiro centro, onde se esperan os reforzos en idade sénior, aínda que tamén se confirmarán nos próximos días as fichaxes de xogadores sub-23.
Relacionadas:
-
Un triangular ante Deportivo e Tenerife en Pasarón, prato forte da pretempada do Pontevedra
Por Diego Espiño |
-
A RFEF propón un grupo I de 2ªB no que o Pontevedra viaxaría a Melilla, Baleares e Canarias
Por Diego Espiño |
-
Pol Bueso, ansioso por vestir de granate: "Sé cómo estoy físicamente y la cuerda que me queda"
Por Diego Espiño |
-
O Pontevedra ata a Pol Bueso para as dúas próximas tempadas
Por Diego Espiño |
-
N'Diaye xa pensa en clave granate prometendo "trabajo, intensidad y un buen trato de balón"
Por Diego Espiño |
-
O UCAM fai oficial a fichaxe de Kevin Presa: "Entendí que quizás lo mejor era un cambio de aires"
Por Diego Espiño |
-
O Pontevedra prepara unha campaña de socios "más potente" sen subir o prezo dos carnés
Por Diego Espiño |
-
Lupe Murillo rexeita ofertas de compra polo Pontevedra "de capital mexicano y argentino"
Por Diego Espiño |
-
Adrián León e Kevin Presa "están fuera del club", asegura Lupe Murillo
Por Diego Espiño |
-
O Pontevedra deseña unha pretempada de cinco semanas
Por Diego Espiño |