Pretempada de catro semanas para o Arxil
Por Redacción & Mónica Patxot
Foron case seis meses de espera, pero o primeiro plantel do Club Baloncesto Arxil volveu ao fin aos adestramentos para empezar a preparar a súa participación na Liga Feminina 2.
Salvo contratempo, o inicio da competición oficial está fixado para o 3 de outubro, polo que o cadro pontevedrés afrontará unha pretempada de apenas catro semanas de duración.
O pavillón do Centro Galego de Tecnificación Deportiva (CGTD) foi escenario a última ora do luns da primeira sesión de traballo das de Mayte Méndez.
A flexibilización do protocolo autonómico elaborado pola Secretaría Xeral para o Deporte para os equipos que compiten a nivel nacional permitiu ao Arxil volver á cancha e empezar a exercitarse con contacto.
No inicio da pretempada estiveron presentes todas as xogadoras nacionais e tamén a senegalesa Bineta Ndoye. Só se ausentou a norteamericana Heather Forster, que esperan póidase incorporar cara ao final da semana.
"Necesitariamos dous meses, porque levamos moito tempo sen competir, moitas xogadoras sen tocar balón e iso vai ser un hándicap grande para todos", recoñece a adestradora arxilista, Mayte Méndez.
O debut do Club Baloncesto Arxil en liga está fixado para o día 3 de outubro no CGTD pontevedrés, recibindo a visita do Baxi Ferrol.
Relacionadas:
-
O Arxil 'traslada' a súa pretempada ao Lago de Castiñeiras
Por Redacción |
-
O Arxil, pendente da Copa Galicia para planificar a parte final da súa pretempada
Por Redacción |
-
O 31 de agosto, data elixida polo Arxil para iniciar a pretempada
Por Redacción |
-
O equipo júnior do Arxil, primeiro en retomar os adestramentos pensando na fase de ascenso
Por Redacción |
-
O Arxil pecha o seu plantel coa chegada da alero Sara Castro
Por Redacción |
-
María Lago cumprirá esta tempada unha década defendendo as cores do Arxil
Por Redacción |
-
Un inicio de tempada en clave galega para o Arxil e o Cortegada na Liga Feminina 2
Por Redacción |