Charles oficializa a súa continuidade en Pasarón cunha mensaxe de perdón cara á afección granate
Por Manu Otero
Foi a fichaxe máis ilusionante que se lembra a beiras do Lérez. O regreso do fillo pródigo. Charles volvía a Pasarón cunha mochila cargada de éxitos e goles en primeira división para saldar unha débeda pendente: lograr o ascenso a Segunda División co equipo do seu corazón, o Pontevedra. Pero como na vida, no fútbol as cousas non sempre sae como un prevé e o soño converteuse en pesadelo.
A tempada resultou un fracaso e o cadro granate caeu a 2ª RFEF. Pero lonxe de arrepentirse da súa chegada ou agachar a cabeza, o dianteiro brasileiro dá a cara. Nunha publicación na súa conta de Instagram, Charles pide perdón á afección pola tempada e fai pública a súa intención de seguir ligado ao Pontevedra o próximo ano para seguir "dando guerra".
"Termínase a tempada máis dura en todos os aspectos que pasei na miña vida, tanto no persoal como no profesional. Só queda pedir perdón á nosa afección e a todos os que queren a este gran club. Pero temos que pensar positivo e seguir loitando porque isto non para . O ano que vén seguiremos dando guerra!!!", escribiu o brasileiro na súa publicación.
As reaccións de agradecemento, ánimo e xúbilo por parte da afección e dos que foron os seus compañeiros durante a campaña recentemente finalizada non se fixeron esperar. "Es un exemplo", respondeulle Borja Martínez; "que pracer terche aquí", compartiu Romay; "exemplo, amigo", de Pitu; ou un simple e contundente "ídolo", de Martín Diz. Unha colección de comentarios que deixan clara a ascendencia, respecto e admiración que marca Charles no vestiario.
Porque o ariete é consciente de que a tempada non saíu como esperaba tanto a nivel particular como colectivo. Pechou a súa conta anotadora con 5 tantos, todos de penalti, e con problemas físicos que lle impediron ofrecer a súa mellor versión nas últimas xornadas. Algo que está disposto a contrarrestar o próximo ano.
Con todo, a lenda do Pontevedra terá que pasar tamén pola clásica rolda de contactos entre plantel e club para consensuar a súa situación e seu papel dentro da institución para o próximo ano.
Relacionadas:
-
Lupe Murillo confirma a renovación de Churre e avanza que o adestrador se saberá "calculo que la semana que viene"
Por Diego Espiño |
-
Xisco Campos despídese do Pontevedra: "Vuestras alegrías serán las nuestras, os seguiremos desde la distancia"
Por Diego Espiño |
-
Eneko Zabaleta pecha a súa etapa no Pontevedra e firma polo Calahorra
Por Diego Espiño |
-
Primeiros pasos para o Pontevedra 21/22
Por Diego Espiño |
-
A Segunda RFEF empeza a aclararse: Ascenso para o campión de grupo e catro prazas de play-off
Por Diego Espiño |
-
Toni Otero aterra no Pontevedra "con la ilusión de un niño pequeño cuando vuelve a su casa"
Por Diego Espiño & Mónica Patxot |
-
Toni Otero, confirmado como novo director deportivo do Pontevedra
Por Diego Espiño |
-
Rufo xa pensa na próxima tempada co Pontevedra: "El club cuenta conmigo y yo quiero seguir"
Por Diego Espiño |
-
Cinco futbolistas con contrato e moitas incógnitas no novo proxecto do Pontevedra
Por Diego Espiño |
-
Charles, entre algodóns antes da 'final' en Villaviciosa
Por Diego Espiño |
-
Luisito pide máis á segunda liña: "Aquí ten que marcar goles máis xente, non só Rufo e Charles"
Por Diego Espiño |