Promocións para a Copa do Rei, con entrada de balde para menores de 16 anos
Por Diego Espiño
O Pontevedra Club de Fútbol despexou este mércores unha das dúbidas que tiñan os seus afeccionados no tramo final de ano, o prezo e condicións das entradas para a segunda rolda da Copa do Rei que medirá o conxunto granate co Tenerife de Segunda División o vindeiro mércores 21 de decembro (21.00 horas) no Estadio Municipal de Pasarón.
O club granate puxo esta vez da súa parte para que o estadio pontevedrés viva unha xornada de bo ambiente nas súas bancadas, con promocións para os acompañantes de socios e entradas de balde para todos os menores de 16 anos.
Tampouco pasarán por despacho de billetes os socios da entidade, tal e como se especificou no lanzamento da campaña de abonados a principios de tempada.
En canto ás entradas xerais, serán as habituais para o público adulto con 25 euros en Tribuna, 20 euros en Preferencia e 15 euros nos fondos. Con todo cada socio poderá retirar dúas entradas a metade de prezo para acompañantes.
En canto aos menores de idade, ata os 16 anos, contarán con entrada gratuíta sen necesidade de retirar entrada, ensinando o DNI na porta de acceso. Será así coa única excepción dos afeccionados de 7 a 16 anos que acudan a Tribuna, e que deberán pagar 15 euros. En cambio os menores de entre 16 e 18 anos deberán pagar como un adulto.
As entradas, ademais de en a web do Pontevedra, poden adquirirse nas oficinas de Pasarón de luns a venres de 9.00 a 14.00 horas e de 16.00 a 19.00 horas ou nos despachos de billetes do estadio o día do partido desde as 20.00 horas.
COPA DEL REY | Unha semana para o partido de segunda ronda da Copa del Rey
— Pontevedra CF (@PontevedraCFSAD) December 14, 2022
Socios de balde
Cada socio de categoría xeral poderá sacar dúas entradas para a súa grada a metade de prezo nas oficinas ou na web https://t.co/bZp93XwBs5
Ata 6 anos de balde pic.twitter.com/9OOjeIGFXt
Relacionadas:
-
Gueye vístese de Papa Noel e regala a Pontevedra unha nova festa de Copa á conta do Tenerife (2-1)
Por Manu Otero & Cristina Saiz |
-
O Pontevedra ponse en modo Copa coa "máxima ilusión" e seguros de que "teremos posibilidades"
Por Manu Otero |
-
Roelio volve a Pasarón polo Nadal para un brinde copeiro
Por Manu Otero |
-
Yelko Pino e a lei do ex dan a vitoria o Pontevedra contra o Algeciras (0-2)
Por Almu Dapena |
-
Iván Ania, adestrador do Algeciras: "O Pontevedra por fútbol e proposta debería estar máis arriba"
Por Diego Espiño |
-
O Pontevedra, a por unha vitoria en Alxeciras que "nos de confianza" antes de que acabe o ano
Por Redacción |
-
Unha parte importante do plantel do Pontevedra, con contrato ata 2024
Por Diego Espiño | Creada e actualizada
-
Dous partidos que poden marcar a tempada do Pontevedra
Por Diego Espiño |
-
A visita do CD Tenerife a Pasarón pola Copa do Rey será o 21 de decembro ás 21 horas
Por Manu Otero |
-
O Tenerife, rival do Pontevedra na segunda rolda da Copa do Rei
Por Manu Otero |
-
Un equipo de Segunda División en Pasarón para a segunda rolda da Copa do Rei
Por Diego Espiño |
-
6,7 segundos! O gol en propia meta de Churre en Manresa, directo ao libro dos récords
Por Diego Espiño |
-
O Pontevedra remonta en Manresa e sela o seu pase á seguinte rolda da Copa do Rei (1-3)
Por Almu Dapena |