As infantís da Escola Hungaresa conquistan o bronce no nacional de esgrima
Por Redacción
A localidade madrileña de Tres Cantos acolleu a pasada fin de semana o campionato de España de esgrima infantil 2023 no que participou a Escola Hungaresa de Pontevedra, que desprazou a seis sabristas integrados en dous equipos.
No sabre masculino individual participaron Pedro Casal, Álvaro Rodríguez e Matías Villamor, que remataron a proba en décomo quinta, décimo novena e vixésima posición, respectivamente.No sabre feminino individual participaron Ángela Nogueira, Candela Touriño e Carmen Laia Cubela, que lograron un noveno, décimo e décimo cuarto posto respectivamente.
Pero foi na modalidade por equipos na que a escuadra lerezana brillou máis. O conxunto masculino non puido superar a primeira rolda e caeu diante do Sala de Armas de Madrid por 45 toques a 29.
Pola contra, o equipo feminino meteuse en semifinais logo de vencer ao conxunto do Club de Esgrima de Madrid por 45 toques a 30. Na antesala da final non puideron superar á Sala de Armas de Madrid e cederon por 45 toques a 35. Na final polo bronce, as pontevedresas medíronse coas valencianas do Club de Esgrima Ágora. Despois dun inicio dubitativo nas que as do Mediterráneo puxéronse por diante, as atlánticas foron quen de darlle a volta á situación no último tercio do asalto cunha espectacular remontada obrada por Ángela Nogueira no penúltimo parcial, onde fixo 11 toques á súa rival, que non puido facer ningún.
A vitoria deixóulla en bandexa á súa compañeira Candela Touriño que, aportando tranquilidade e un bo esquema táctico, pechou o asalto cunha vitoria por 45 toques a 40 dando ao equipo a medalla de bronce no Campionato de España Infantil.
Relacionadas:
-
Unha estrea en esgrima adaptada soñada para Samuel Ogando, con catro medallas no Campionato de España
Por Redacción |
-
Premio dobre para a Escola Hungaresa no Torneo Nacional de Sabre Infantil de Cidade Real
Por Redacción |
-
Dobre medalla para a Escola Hungaresa no Campionato de España Cadete de Esgrima
Por Redacción |
-
Dobrete nacional de prata e bronce para as cadetes Silva e Garnelo, da Escola Hungaresa
Por Redacción |
-
Inés Silva, bronce no primeiro torneo de sabre júnior da tempada puntuable para o ranking nacional
Por Redacción |