Rumbo ao 26M: compara as propostas dos partidos para a promoción económica de Pontevedra
Por Natalia Puga
Os programas electorais dos partidos políticos que pugnan por facerse cun oco na Corporación municipal que sairá das eleccións do próximo 26 de maio permiten albiscar cal é a Pontevedra que quere cada un. Non resulta posible comparalos ao pé da letra en todos os seus apartados pola gran diversidade das propostas duns e outros, pero PontevedraViva seleccionou seis aspectos para tentar confrontar a idea de cidade de cada un.
Cultura, deportes, modelo urbano, rural, dinamización da cidade e promoción económica van ser debullados. Os proxectos para outros ámbitos importantes para a cidadanía poden consultarse no especial electoral que publica a diario este xornal.
Estas son as propostas dos distintos partidos para a promoción económica da cidade:
BNG:
- Apostar por novos espazos para a economía colaborativa e o emprendedurismo que teñen coma eixo a creatividade como nicho de emprego na cidade: cesión de baixos comerciais baleiros en cesión a novos emprendedores e activación do espazo de Santa Clara como espazo de economía social grazas á iniciativa municipal 'A Redeira'.
- Deseño de novas misións comerciais aproveitando a fortaleza da modelo de cidade.
PP:
- Posta en marcha de medidas que permitan loitar contra o principal problema que ten Pontevedra: o paro. Pasan pola elaboración dun novo PXOM, creación dun polígono comercial e loxístico ao sur da cidade, impulso definitivo ao polígono de O Vao, supresión da peaxe a Barro e instalación dunha fábrica que peche o ciclo do papel.
- Medidas de apoio ao pequeno comercio que permitan revitalizar o comercio local, un dos motores económicos de Pontevedra.
PSOE:
- Implementar unha liña de axudas á contratación (2.000 euros por contrato), que suporía un 25% dos costes laborais totais dos 12 primeiros meses de contrato.
- Medidas para facilitar o acceso de emprendedores a locais comerciais, con axudas de ata un 50% no prezo do aluguer anual, cun máximo de 4.000 euros e garantindo unha permanencia mínima.
MAREA PONTEVEDRA:
- Crear no Concello un servizo de fomento do emprego que xestione recursos propios e capte fondos europeos, do Goberno e da Xunta.
- Contratar persoas desempregadas para o mantemento de beirarrúas no centro urbano e de pistas forestais nas parroquias.
CIUDADANOS (Cs):
-
Creación dunha contorna startup: da idea á realidade empresarial.
-
Portelo único empresarial que xestione os trámites administrativos municipais, autonómicos e estatais para a creación dunha empresa en menos de 72 horas.
COMPROMISO POR GALICIA (CxG):
- Creación da Oficina do Autónomo, que busca funcionar man con man cos coworking da cidade. Ofrecerá servizos que agora un emprendedor só obtén mediante o seu investimento, tales como a asesoría estratéxica, estudos de mercado, busca de inversores ou asesoría fiscal.
- Implantación dun programa municipal de captación de inversores. Pontevedra non ha de ser só unha cidade de servizos, ten que aspirar a medrar e precisa crear tecido industrial.
PODEMOS:
- Medidas de colaboración con outras administracións para impulsar un plan urxente de emprego e formación para parados de longa duración: creación dun fondo con financiamento FEDER ou similar que apoie os proxectos de creación de espazos e servizos para as Pemes locais e que contribúa á contratación de persoas desempregadas maiores de 45 anos e con responsabilidades familiares.
- Reducción do custo en tempo e trámites: redefinir procesos e establecer un centro de atención ás Pemes que poida reducir os tempos de trámites requiridos nas licenzas, os permisos de funcionamento ou todo o relativo ao pago de impostos municipais.
VOX:
- Beneficios fiscais para novas actividades económicas durante os seus dous primeiros anos de apertura.
- Creación dun servizo de portelo único para asesorar e facilitar a implantación empresarial en Pontevedra.
Relacionadas:
-
Familia, traballo, vida persoal e... campaña: os malabares para conciliar
Por Natalia Puga & Mónica Patxot |
-
Rumbo ao 26M: compara as propostas dos partidos no ámbito deportivo
Por Natalia Puga |
-
Rumbo ao 26M: compara as propostas dos partidos no ámbito deportivo
Por Natalia Puga |
-
Rumbo ao 26M: do turismo ás festas. Así propoñen dinamizar a vida da cidade os distintos partidos
Por Natalia Puga & Mónica Patxot |
-
Rumbo ao 26M: do turismo ás festas. Así propoñen dinamizar a vida da cidade os distintos partidos
Por Natalia Puga & Mónica Patxot |
-
Rumbo ao 26M: consulta as propostas dos partidos para o rural pontevedrés
Por Natalia Puga |
-
Rumbo ao 26M: consulta as propostas dos partidos para o rural pontevedrés
Por Natalia Puga |
-
Rumbo ao 26M: consulta as propostas dos partidos para o modelo urbano pontevedrés
Por Natalia Puga |
-
Rumbo ao 26M: compara as propostas dos partidos en materia cultural
Por Natalia Puga & Mónica Patxot |
-
Rumbo ao 26M: compara as propostas dos partidos en materia cultural
Por Natalia Puga & Mónica Patxot |
-
Só pode quedar un, quen será o próximo alcalde de Pontevedra?
Por Alejandro Espiño & Mónica Patxot |