Luz verde ás obras de acondicionamento da zona cedida polo Porto
Por Oskar Viéitez
Na Xunta de Goberno Local celebrada este mércores aprobouse o proxecto e o inicio do expediente de contratación das obras de ampliación da zona de aparcadoiro e o acondicionamento da zona cedida polo porto.
Durante as Festas do Carmen o recinto foi ocupado polas atraccións e tamén utilizado como aparcadoiro.
O goberno local estima que esta reforma poida iniciarse ao final do verán.
Pola súa banda, a Autoridade Portuaria concluíu o asfaltado da entrada ao Porto, así como as obras de reposición de servizos e control de entradas e saídas necesarias nun recinto que ten que contar coas medidas de seguridade.
A Deputación achegará a cantidade de 92.153,60 euros para o financiamento deste proxecto que terá, entre outras, a finalidade de comunicar a avenida de Ourense e o paseo Alcalde Branco.
A reforma inclúe a mellora e ampliación das prazas de aparcadoiro de 234 prazas ata as 343 prazas que se xerarían con esta actuación, segundo consta no mesmo proxecto.
Relacionadas:
-
Carlos Prado, pregoeiro das Festas do Carme
Por Redacción |
-
O Porto de Marín rexistra un crecemento do 12% ata o mes de agosto
Por Redacción |
-
Obras na entrada do Porto de Marín para ampliar o número de aparcadoiros
Por Redacción |
-
Planean novas obras en Marín con cargo ao Plan de Investimentos da Deputación
Por Redacción |