A CIG pide que se fagan test a todos os traballadores de ambulancias
Por Oskar Viéitez
O sector de Transportes da Confederación Intersindical Galega (CIG) dirixiuse á Consellería de Sanidade para esixir que se realicen test da Covid19 a todos os traballadores de ambulancias para evitar a expansión dos contaxios e medir o alcance da enfermidade entre este colectivo laboral.
A petición reviste máis urxencia logo de que a Administración retirara por defectuosas as mascarillas 95 Garry Galaxy, que estivo empregando o persoal sanitario incluído o de ambulancias.
Este venres, lembra o responsable da CIG-Transportes, Xesús Pastoriza, a Xunta procedeu a retirar e a cambiar estas mascarillas por outras novas, "pero isto non evita o posible contaxio do persoal de ambulancias que estivo traballando con elas durante días crendo que estaba protexido, nin o das persoas que tiveron contacto con estes traballadores e traballadoras".
Por iso, a CIG pide que se identifique a todo o persoal que estivo exposto a riscos, cunha "falsa protección", e se proceda "de inmediato" á realización do test que corresponda, "máxime cando dende a propia Xunta acaban de anunciar publicamente que se realizarán 100.000 test de Covid19 entre a poboación galega", afirman.
Relacionadas:
-
O colectivo de ambulancias esixe melloras no traslado de pacientes a Montecelo
Por Redacción |
-
Protestas do persoal de ambulancias nas súas bases reclamando test
Por Anxo Lourido | Creada e actualizada
-
Protesta da CIG na Subdelegación en pleno confinamento para reclamar ingresos e seguridade para a clase traballadora
Por Diego Torrado & Anxo Lourido |
-
Técnicos de Emerxencias Sanitarias reclaman test do Covid-19 ao ser o primeiro contacto con posibles contaxiados
Por Redacción |
-
A área sanitaria retira 12.965 mascarillas con deficiencias
Por Oskar Viéitez |