O PP, preocupado porque o peche de Raíña Vitoria atrasa as intervencións dos servizos de emerxencia
Por Redacción
Representantes da Asociación Galega de Técnicos de Emerxencias Sanitarias e do sindicato Unión Federal de Policía mantiñan un encontro este luns con Rafa Domínguez, presidente local do Partido Popular e co concelleiro Pablo Fernández, para tratar as consecuencias que está a ter para a súa actividade diaria o peche da avenida Raíña Vitoria.
Para Rafa Domínguez o corte desta vía resulta preocupante polas dificultades que provoca nos profesionais que representan estas asociacións, segundo comentou o popular tras o encontro. Indican que o peche desta rúa "entorpece e dificulta o labor policial e sanitaria", indican os populares.
Segundo manifesta o presidente local do PP, o corte ao tráfico de Raíña Vitoria incrementou o tempo de chegada ata dez minutos para unha ambulancia nunha asistencia a unha urxencia no centro de Pontevedra, atendendo ao testimonio dos asistentes a esta xuntanza. Domínguez lembra que "eses minutos son esenciais para salvar vidas".
Os populares laianse de que non se escoite desde o Concello aos que "nos coidan e nos protexen" e afirman que o corte non ten que ver coa seguridade do alumnado do Sánchez Cantón en relación co contaxio da pandemia.
Ademais, o PP local compartíu con ámbalas agrupacións a demanda de que o Concello adopte medidas urxentes que permitan o acceso destes vehículos de emerxencias en rúas como Benito Corbal, Oliva ou a mesma Raíña Vitoria, entre outras, afirma Rafa Domínguez ao lembrar que estes colectivos están a experimentar "máis dificultades no desempeño das súas funcións para dar un servizo esencial e de calidade".
Relacionadas:
-
Multas de 100 e ata 500 euros aos condutores na rúa Raíña Vitoria
Por Oskar Viéitez |
-
Catro asociacións empresariais denuncian diante da Xustiza o peche ao tráfico de Raíña Vitoria
Por Oskar Viéitez & Mónica Patxot |
-
O PP de Pontevedra propón unha batería de medidas para mellorar a calidade de vida en Alba
Por Redacción |
-
Mosquera compara aos opositores ao peche de Raíña Vitoria cos "cayetanos"
Por Oskar Viéitez & Mónica Patxot |
-
O PSOE exhibe a súa lealdade ao BNG e pide tempo para valorar se o peche de Raíña Vitoria é acertado
Por Manu Otero |
-
O PP acusa o PSOE de "traizoar a Pontevedra" ao posicionarse en contra da reapertura de Raíña Vitoria
Por Manu Otero |
-
O corte de Raíña Vitoria será "indefinido" e manterase "mentres dure a covid-19"
Por Alejandro Espiño |
-
Comerciantes, empresarios e oposición fan piña para reabrir Raíña Vitoria ao tráfico
Por Manu Otero |