Unha paciente de 94 anos, vítima 160 do coronavirus na área sanitaria
Por Redacción
Unha muller de 94 anos de idade falecía este venres 12 no Hospital do Salnés, diagnosticada con coronavirus, e convertíase na vítima 160 por culpa desta enfermidade na área sanitaria de Pontevedra e O Salnés desde que se teñen datos de mortes con motivo da pandemia.
A morte era notificada este sábado pola Consellería de Sanidade, xunto ao anuncio doutras cinco perdas máis en Galicia nas últimas 48 horas debido ao covid-19.
O venres 12 rexistrábanse outras dúas mortes máis. Tamén se trataba de dúas mulleres, de 79 e 82 anos, que falecían no Complexo Hospitalario de Santiago.
Este sábado 13, segundo os datos facilitados polo Servizo Galego de Saúde, sumábanse á lista de perdas unha muller de 86 e dous homes, de 74 e 84 anos, que se atopaban ingresados tamén no Complexo Hospitalario de Santiago (CHUS).
Todas as vítimas das últimas horas contaban con outras enfermidades nos seus historiais médicos antes de infectarse por covid-19. Con estas nove mortes, Galicia suma xa 2.296 falecementos desde que comezou o plan de continxencia.
Durante este período que alcanza xa máis dun ano, curáronse en Galicia 109.518 pacientes, dos que 12.078 pertencen ao área sanitaria de Pontevedra e O Salnés, segundo os datos facilitados pola xerencia do Complexo Hospitalario Universitario de Pontevedra (CHUP).
Relacionadas:
-
O Hospital Montecelo suma unha nova vítima pola covid, un home de 85 anos
Por Redacción |
-
As hospitalizacións por covid caen lentamente na área sanitaria, con 230 casos activos
Por Diego Espiño |
-
Pontevedra homenaxea as vítimas da covid-19: "A lembranza é a nosa forza"
Por Alejandro Espiño & Mónica Patxot |
-
Ponte Caldelas e Vilanova recuperan desde este luns a súa mobilidade completa
Por Alejandro Espiño |
-
Os casos activos por covid-19 baixan a 244, dos que 25 siguen hospitalizados
Por Alejandro Espiño |
-
A Área Sanitaria baixa dos 300 casos activos de covid por primeira vez desde principios de setembro
Por Diego Espiño |
-
Pontevedra e Vilagarcía superan con nota a súa primeira xornada de vacinación masiva
Por Diego Espiño & Cristina Saiz |
-
As hospitalizacións de persoas positivas en covid baixan a 26 na área sanitaria, con 8 pacientes na UCI
Por Diego Espiño |
-
As persoas que participaron no cribado en farmacias poden repetir a proba
Por Oskar Viéitez |