Marcha do BNG este domingo desde Xustáns á Fracha contra a construción dun megaproxecto eólico na zona
Por Redacción
O Bloque Nacionalista Galego convoca para este domingo 13 ás 10.00 horas unha marcha contra a "invasión eólica". Esta protesta iniciarase en Cruz do Brasil na parroquia de Xustáns no municipio de Ponte Caldelas ata o parque da Fracha en Pontevedra.
Segundo explicaba Demetrio Gómez, responsable comarcal do BNG, esta protesta realizarase na zona que se verá afectada por este megaproxecto eólico que afecta aos concellos de Ponte Caldelas, Soutomaior e Pontevedra, onde está prevista a instalación dun xerador na zona de descanso de Outeiro Navío na parroquia de Marcón.
Gómez demanda a participación cidadá para frear o modelo eólico que, segundo indicou, promove o Partido Popular para beneficiar ás grandes multinacionais enerxéticas "cos que teñen intereses moi intensos". Neste sentido referiuse a que a ex conselleira de Traballo e Benestar (2009-15) e Medio Ambiente e Ordenación do Territorio (2015-18), Beatriz Mato, pasou a formar parte do consello de administración da empresa Greenalia, entidade que traballa en enerxías renovables.
O representante nacionalista afirmou que os plans da Xunta de Galicia supoñen un espolio da riqueza do país. Por este motivo, entende que é necesario que a poboación reivindique un plan eólico xusto, sostible e galego co obxectivo posto en que calquera iniciativa sexa respectuosa coas persoas residentes no rural. Tamén demanda que as riquezas que se xeren con estes parques revertan en Galicia garantindo un monte multifuncional e produtivo. "Que se pense en beneficio do país - e non das grandes multinacionais - cunha tarifa eléctrica galega tanto para consumidores domésticos como para a industria", reivindicou Demetrio Gómez
Relacionadas:
-
Andaina para comprobar as consecuencias que tería a creación de parques eólicos na zona da Fracha
Por Redacción |
-
Tres sesións sobre parques eólicos para informar a veciñanza
Por Redacción |
-
O Pavillón de Carballedo recolle a preocupación da veciñanza polo proxecto eólico
Por Oskar Viéitez |
-
Cerdedo-Cotobade alegará contra o parque eólico de Porto Vidros
Por Redacción |
-
A Xunta asegura aos concellos que non aprobará parques eólicos fóra de áreas autorizadas na lei do 97
Por Redacción |
-
A cara oculta dos parques eólicos desvelarase este venres 30 no Teatro Principal
Por Mónica Patxot & María José Pita |