Bioeconomía forestal, fronte á crise enerxética e climática
A pandemia da COVID-19 provocou unha reconsideración dos modelos produtivos, enerxéticos e de explotación de recursos.
A esta crise sanitaria, únense as previsións de crecemento exponencial da poboación mundial, co consecuente incremento da demanda de alimentos, enerxía, auga e outros recursos. Todo un reto para a necesaria loita contra o cambio climático.
Neste contexto, faise necesario un desenvolvemento sostible, e a bioeconomía –definida pola FAO (Organización das Nacións Unidas para a Alimentación e a Agricultura) como "a produción baseada no coñecemento e a utilización de recursos, procesos e métodos biolóxicos para proporcionar bens e servizos de forma sostible en todos os sectores económicos"– desempeña un papel fundamental.
BIOECONOMÍA FORESTAL CIRCULAR
A bioeconomía circular é un concepto que amplía a dimensión da chamada "economía verde" cara a unha implicación de todos os sectores que forman parte da cadea de produción. Deste xeito, a bioeconomía une tanto o desenvolvemento sostible como a circularidade.
A produción forestal é un claro exemplo de bioeconomía verde circular, ao basearse na produción e transformación da madeira, de modo que se utiliza todo o recurso renovable. Tamén é unha fonte de emprego directo e indirecto en toda a súa cadea de valor.
Ademais de combater o abandono do rural e contribuír a evitar os incendios, as actividades ligadas á bioeconomía forestal teñen un importante efecto de mitigación do cambio climático, xa que proporcionan alternativas a produtos baseados en combustibles fósiles e aumentan a fixación de carbono mediante o cultivo e desenvolvemento das masas forestais.
BIOECONOMÍA FORESTAL SOSTIBLE
As factorías de Ence baséanse no modelo circular da bioeconomía, no que todos os recursos se utilizan e reutilizan de maneira eficiente, xerando os mínimos residuos posibles e proporcionando á sociedade materiais necesarios e de uso común. Materiais de orixe natural, renovables, reciclables e biodegradables, que poden volver á natureza sen causar danos ambientais.
Grazas á subministración de celulosa, a compañía proporciona ademais unha materia prima natural que en multitude de casos substitúe a outros materiais, como o plástico e os seus derivados. Deste xeito, Ence contribúe de forma directa á loita contra o cambio climático, e coa xeración de enerxía renovable con biomasa, ao impulso dunha enerxía sostible e respectuosa co medio ambiente.
Ademais, a compra de madeira local xera emprego na contorna próxima, cunha estimación de 200 millóns de euros ao ano en Galicia.
XESTIÓN CERTIFICADA RECOÑECIDA
Ence Pontevedra desenvolve as súas actividades a través dun modelo produtivo integrado. Este iníciase cando a madeira certificada, materia prima natural e sostible, chega á biofábrica e emprégase para transformala en pasta de celulosa, base de toda unha diversidade de produtos papeleiros de uso cotián. Ademais, este proceso é unha mostra de Economía Circular, un sistema de aproveitamento dos recursos onde priman as máximas de redución e reutilización dos residuos.
Grazas aos excelentes resultados obtidos en materia ambiental, as biofábricas da compañía foron galardoadas con importantes recoñecementos a nivel internacional, entre os que destacan a etiqueta ecolóxica Nordic Swan –ecoetiqueta oficial dos países nórdicos– por cumprir cos criterios máis esixentes de respecto ambiental; a distinción Ouro da Comisión Europea á Biofábrica de Pontevedra en recoñecemento á súa mellora ambiental nos últimos 15 anos; ou a certificación AENOR Residuo Cero, que acredita que a compañía leva a cabo unha xestión eficiente dos seus residuos, e que é capaz de valorizalos, propiciando o seu aproveitamento para darlles unha nova vida dentro do seu proceso de produción.
A actividade de Ence reafírmase, desta maneira, plenamente aliñada coa recuperación verde.
Relacionadas:
-
O papel da xestión forestal sostible na economía dos pequenos propietarios galegos
Por Noticia patrocinada |
-
Ence comprométese co aforro de enerxía, a sustentabilidade e a bioeconomía
Por Noticia patrocinada |
-
A calidade das augas da Ría e as certificacións internacionais avalan a xestión sostible de Ence
Por Noticia patrocinada |
-
Guarro Casas e Ence: celulosa e sustentabilidade
Por Noticia patrocinada |
-
As masas forestais xestionadas por Ence contribúen á retirada de 229.500 toneladas de CO2
Por Noticia patrocinada |
-
Día Mundial do aforro de enerxía: a contribución á descarbonización da enerxía renovable xerada con biomasa
Por Noticia patrocinada |
-
A importancia da celulosa para superar a crise económica
Por Noticia patrocinada |
-
A biofábrica de Ence en Pontevedra investiu 10 millóns de euros en 2019 para mellorar a súa excelencia ambiental
Por Noticia patrocinada |
-
A industria da celulosa ofrece alternativas para loitar contra o cambio climático
Por Noticia patrocinada |
-
É posible unha alternativa natural ao plástico? A celulosa podería ser a solución
Por Noticia patrocinada |