VÍDEO.- Traballadores de ENCE rebentan o pregón da Peregrina e acosan á corporación municipal
Por Diego Espiño & Cristina Saiz
Escoltados polos axentes dos Antidisturbios da Policia Nacional e persoal da Policía Local e no medio de insultos e intentos de agresión. Así abandonou a corporación municipal e tamén a presidenta da Deputación o palco da Alameda onde se daba inicio ás Festas da Peregrina co pregón de Violeta Mosquera.
Os traballadores de ENCE adiantaran a súa intención de acudir este sábado ao pregón, e a pesar das súas declaracións previas asegurando que só querían "visibilizar nuestra protesta" terminaron por rebentar o acto vivíndose escenas de moita tensión e agresividade, especialmente cara ao alcalde, Miguel Anxo Fernández Lores.
Facendo uso de bucinas e de petardos, os empregados da pasteira trataron de dificultar o acto desde a chegada dos responsables municipais.
"Nosotros sosmos trabajadores. Ni somos terroristas ni kale borrokas, como se nos ha acusado, y lo que vamos a hacer hoy es expresar nuestro malestar, nuestra indignación y nuestra preocupación. Se lo vamos a transmitir al mayor responsable de esta situación, porque no nos olvidemos que el señor Lores con toda la corporación local ha sido el que ha presentado el recurso ante la Audiencia Nacional", explicaba antes de iniciarse o pregón Ana Cedeira como representación do comité de empresa de ENCE.
Esa declaración de intencións quedou despois embazada polo acontecido. Os berros e petardazos non cesaron durante o discurso da pregoeira, e tras a finalización desmontaron os valos que lles afastaban do palco da Alameda para cercar o recinto.
A tensión seguiu crecendo ata a saída da corporación, que tivo que refuxiarse na cafetería El Cafetín, permanecendo nela máis dunha hora.
Trátase da segunda vez que se producen actos violentos contra a corporación municipal, tras a ocupación do Concello o pasado mes de marzo que terminou tamén cos representantes do goberno local escoltados.
Nesta ocasión ademais a portavoz municipal, Carme da Silva, confirmou que un dos músicos que participaban no pregón resultou ferido por mor dos petardos lanzados na parte traseira do palco. "Tén danos no oído, non sabemos da magnitude", sinalou sobre este detalle lembrando que alí se atopaba "xente que estaba traballando, que é unha falta de respecto absoluta"
Pola súa banda a representación laboral de ENCE asegurou que esta protesta "non vai a ser a única cocentración este mes de agosto".
Relacionadas:
-
Un traballador de Ence, no xulgado por invasión da Casa do Concello: "Non agredín a ninguén nin somos ningúns delincuentes"
Por Natalia Puga & Mónica Patxot |
-
VÍDEO.- Traballadores de ENCE cortan o tráfico con barricadas nas saídas da cidade cara a Marín e Vigo
Por Mónica Patxot & Oskar Viéitez & Anxo Lourido | Creada e actualizada
-
Domínguez reta a Lores a que consiga emprego para as 500 familias que se verían afectadas por un peche de ENCE
Por Mónica Patxot & Anxo Lourido |
-
Sen incidencias nas primeiras actividades das festas dunha Peregrina que "trouxo o verán"
Por Mónica Patxot & Cristina Saiz & Anxo Lourido |
-
Rafa Domínguez desmárcase do boicot ao pregón e condena "cualquier tipo de violencia"
Por Oskar Viéitez |
-
Lores esixe a ENCE e ao PP que se desculpen polo "acto de violencia premeditado e planificado contra a cidadanía"
Por Oskar Viéitez & Mónica Patxot |
-
Violeta Mosquera dá "un pouco de caña" nun pregón da Peregrina sen prexuízos, feminista e reivindicativo
Por Diego Espiño & Cristina Saiz |
-
Carme da Silva denuncia "agresións con elevada violencia" na protesta dos traballadores de ENCE
Por Diego Espiño |
-
Da Silva: "Se Ence rebenta o pregón faltará ao respecto á pregoeira e a toda a sociedade de Pontevedra"
Por Anxo Lourido & Cristina Saiz |
-
Traballadores de ENCE anuncian mobilizacións e CC.OO constituirá unha plataforma de afectados polo peche
Por Manu Otero |
-
Protesta de traballadores de ENCE polas rúas de Pontevedra demandando a mesa de diálogo
Por Redacción & Cristina Saiz | Creada e actualizada
-
Lores, no xulgado polo "asalto" á Alcaldía: "A min non me van a acovardar"
Por Alejandro Espiño |
-
O alcalde sinala a Rafa Domínguez e a Colmenares polo intento de agresión por parte dos traballadores de Ence
Por Oskar Viéitez & Mónica Patxot |
-
Traballadores de ENCE "toman" o Concello en defensa dos empregos da fábrica en Lourizán
Por Mónica Patxot & Redacción | Creada e actualizada