O PP fixa para o 9 de xullo o seu congreso para elixir novo presidente provincial
Por Redacción
O Partido Popular de Pontevedra celebrará o próximo 9 de xullo o seu congreso para escoller ao substituto de Alfonso Rueda como presidente provincial da formación.
Así o decidiu este mércores a xunta directiva provincial da formación, nunha reunión que contou coa participación do recentemente nomeado presidente da Xunta de Galicia así como do secretario xeral do PP provincial, Luís López.
Será o 19 congreso do PP de Pontevedra, que contará coa participación de 690 compromisarios, dos que 552 son electos e 138 son natos, entre os que se inclúen os membros da xunta directiva provincial e os integrantes da comisión organizadora do congreso.
Desde o xoves 16 e ata o luns 20 de xuño, os afiliados que desexen optar á presidencia do partido poden presentar a súa candidatura, que terá que ir acompañada de 75 apoios. Unha vez finalizado o prazo de presentación de candidatos, abrirase unha campaña interna de oito días, entre o 22 e o 29 de xuño.
Ademais, os afiliados que queiran inscribirse como participantes no proceso electoral e como compromisarios poden facelo ata o 23 de xuño.
Relacionadas:
-
Luisa Piñeiro regresa á primeira liña política como 'número 2' do PP pontevedrés
Por Alejandro Espiño & Mónica Patxot |
-
Luis López agradece o "respaldo inmenso" e presenta 2.363 avais para presidir o PP de Pontevedra
Por Oskar Viéitez |
-
Luis López optará a suceder a Rueda no PP pontevedrés: "Non rehúso as responsabilidades"
Por Alejandro Espiño & Mónica Patxot |
-
Alfonso Rueda toma posesión como presidente da Xunta. "Tócame agora subir á ponte de mando"
Por Oskar Viéitez |
-
Alfonso Rueda, sexto presidente da Xunta de Galicia
Por Alejandro Espiño |