A executiva do PSOE releva a Tino Fernández e designa a Iván Puentes novo portavoz do grupo municipal
Por Oskar Viéitez
O candidato do PSdeG-PSOE á Alcaldía de Pontevedra, Iván Puentes, será o novo portavoz do grupo municipal dos socialistas no concello capitalino. A decisión foi adoptada por aclamación este mércores nunha xuntanza mantida pola comisión executiva da agrupación socialista de Pontevedra na súa sede de Irmáns Nodales.
Puentes substitúe como voceiro a Tino Fernández, que seguirá a desempeñar as súas funcións como tenente de alcalde e concelleiro de Educación e Deportes do Concello.
A executiva municipal adopta esta decisión "por coherencia co resultado das eleccións primarias recentemente celebradas no seo do partido" e nas que o actual concelleiro de Desenvolvemento Sostible e Medio Natural foi proclamado candidato á Alcaldía para as municipais de 2023.
Iván Puentes recolle a testemuña "do bo traballo realizado ao longo deste mandato polo compañeiro Tino Fernández, con moita ilusión e gañas, e como sempre, facendo do diálogo e da escoita activa, os nosos sinais de identidade".
"O meu obxectivo é o de fortalecer aínda máis o papel do PSOE no goberno municipal", avanzou Puentes.
Durante a xuntanza da comisión executiva tamén se abordou o procedemento orgánico para a elaboración de candidaturas (listas) de cara as eleccións municipais do 28 de maio e aprobouse o organigrama do comité electoral.
Relacionadas:
-
Yoya Blanco repite como número 2 da lista do PSOE ás municipais e Paloma Castro regresa á política local no 4
Por Natalia Puga |
-
Os militantes socialistas de Pontevedra ratifican por aclamación a lista coa que o partido concorrerá ás municipais
Por Redacción |
-
Iván Puentes presenta a súa candidatura á alcaldía como a "única alternativa real, fiable e con experiencia de goberno"
Por Diego Espiño & Cristina Saiz |
-
Iván Puentes asume a súa candidatura á alcaldía diante da Executiva Municipal da Agrupación Socialista
Por Anxo Lourido |
-
Tino Fernández renuncia ás primarias acusando o PSOE local de falta de neutralidade
Por Alejandro Espiño |