Poio formaliza a adquisición dos terreos para o novo centro de saúde
Por Redacción
O Concello de Poio deu un paso importante para a esperada construción dun novo centro de saúde no municipio, coa adquisición definitiva dos terreos nos que se habilitará a instalación sanitaria.
Segundo explica o goberno local, o pasado 30 de decembro asinouse o decreto de Alcaldía para a compra directa da parcela, en base aos informes técnicos, e este martes está prevista dar conta na Xunta de Goberno Local.
Trátase dun terreo de 39.000 metros cadrados que agora será posto ao dispor da Xunta de Galicia para a construción do centro de saúde, unha infraestrutura que foi incluída recentemente polo Servizo Galego de Saúde (SERGAS) no seu Plan de Infraestruturas Sanitarias da Atención Primaria, xunto a outros 36 centros sanitarios na comunidade.
Poio barallaba tres opcións como localización, pero finalmente optouse pola parcela escollida finalmente por contar con espazo suficiente para o centro de saúde e tamén para equipamentos necesarios deportivos e educativos, xa que as outras dúas posibilidades apenas contavan con 5.000 metros cadrados que darían unicamente para a instalación sanitaria.
A parcela adquirida correspóndese coa antiga canteira de Graña, situada na Coruxa, e por ela abonaranse 300.000 euros que estaban xa consignados nunha partida do remanente do ano 2022. Conta con servizos básicos, viarios e accesibilidade.
Formalizada a adquisición, os plans do Concello de Poio pasan agora por solicitar unha reunión urxente co conselleiro de Sanidade para poñerlle ao corrente da situación e acordar cal na mellor opción de localización do centro de saúde dentro desta parcela.
Relacionadas:
-
A Xunta require ao Concello de Poio a aprobación dun plan especial para o novo centro de saúde
Por Redacción |
-
A Xunta avaliará a parcela ofrecida polo Concello de Poio para o novo centro de saúde
Por Oskar Viéitez |
-
A Mesa en Defensa dos Dereitos Sanitarios convoca unha xuntanza para preparar a manifestación de febreiro en Compostela
Por Redacción |
-
Recollida de sinaturas en Anafáns e manifestación para demandar unha Atención Primaria digna
Por Redacción |
-
O centro de saúde de Raxó, un "símbolo" da xestión "caótica e nefasta" da sanidade galega
Por Alejandro Espiño |
-
O Sergas sostén que o Consultorio de Raxó garantirá a atención asistencial con persoal de servizos xerais e de enfermería
Por Redacción | Creada e actualizada
-
Sanidade reitera a solicitude dunha parcela viable para un novo centro de saúde en Poio
Por Oskar Viéitez |