ENCE prevé investir máis de 130 millóns de euros na súa fábrica de Lourizán durante os próximos dez anos
![Alejandro](/web/cache/scene/uploads/xornalistas/foto/dee/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/5624216432-20150128-patxot-alex-espino-002.jpg)
Por Alejandro Espiño
Algo máis de 130 millóns de euros prevé investir a empresa Ence na súa fábrica de Pontevedra durante o próximos dez anos. Así o asegurou a compañía pasteira nun informe que presentou este mércores ante a Comisión Nacional do Mercado de Valores (CNMV).
Tras o fallo do Tribunal Supremo sobre a legalidade da súa concesión, avalando a súa continuidade en Lourizán ata o ano 2073, a compañía anuncia que desbloqueará todas as actuacións proxectadas no complexo industrial pontevedrés.
O documento elaborado por Ence sinala que estes investimentos, tanto recorrentes como singulares, "están deseñados para continuar operando cos mellores estándares de calidade e sustentabilidade" nunha fábrica que, segundo defenden, "é un exemplo de bioeconomía circular".
A empresa comprométese ademais a retomar o seu plan social, un programa de apoio a entidades sociais da comarca de Pontevedra dotado cun orzamento anual de tres millóns de euros "para fomentar a sustentabilidade, a educación, a innovación e o deporte".
Dentro do seu proxecto industrial, Ence informa que continúa avanzando na tramitación da súa nova planta nas Pontes (A Coruña), na que producirá fibra reciclada a partir de cartón e papel recuperados, así como de celulosa virxe elaborada pola propia compañía.
A factoría, que a empresa quere ter operativa o ano 2026, terá capacidade para producir unhas 100.000 toneladas anuais e nela estímase un investimento duns 125 millóns de euros, sendo o retorno esperado superior ao 12%.
Posteriores fases do proxecto contemplan a instalación dunha planta de coxeración con biomasa certificada, que cubrirá todas as necesidades de calor e electricidade da instalación, e dunha liña para a fabricación de 30.000 toneladas anuais de produtos papeleros.
Tras aclararse o seu futuro en Pontevedra, Ence avanza que presentará o próximo 28 de febreiro os resultados económicos do cuarto trimestre de 2022 e as súas contas semestrais, que incluirán o impacto contable estimado tras o comunicado do Tribunal Supremo.
A compañía detalla ante a CNMV que a reversión das deterioracións de activos e provisións de gastos rexistrados como consecuencia das sentenzas da Audiencia Nacional, terán un impacto positivo estimado duns 169 millóns de euros no seu beneficio neto de 2022.
Relacionadas:
-
O voto particular contra a sentenza do Supremo sobre ENCE advirte do "dano irreversible" ao litoral
Por Alejandro Espiño |
-
Os informes ambientais, a 'clave' para que o Supremo avalase a continuidade de ENCE ata 2073
Por Alejandro Espiño |
-
Lores celebra que Bruxelas "coincida plenamente" coa loita do Concello por recuperar a ría
Por Alejandro Espiño |
-
Aviso de Bruxelas a España: as concesións a 75 anos na costa son "contrarias" á normativa europea
Por Alejandro Espiño |
-
Telmo Martín: "ENCE xera economía pero ás veces hai cousas que son máis importantes"
Por Alejandro Espiño |
-
Peche do ciclo da auga e creación de emprego local, dos de las peticiones de Ana Cedeira (POAL) a ENCE
Por Redacción |
-
Colmenares sostén que o fallo do Supremo sobre ENCE é "definitivo" e non se poderá recorrer
Por Redacción |
-
Alfonso Rueda insta ao Concello a cesar no seu "acoso" a ENCE e a dar "paz e tranquilidade" aos traballadores
Por Alejandro Espiño |
-
Carmela Silva avoga por "manter as conviccións" e reafírmase en que "ENCE non debería estar na ría"
Por Oskar Viéitez & Mónica Patxot |
-
Pedrosa, de CCOO, sobre a sentenza que garante a permanencia de ENCE: "É un fracaso de Lores e do BNG"
Por Mónica Patxot & Anxo Lourido |
-
Lores lamenta que ENCE teña "dereito de pernada" en Pontevedra: "É un fracaso do Estado de dereito"
Por Alejandro Espiño |