Ana Cedeira, sobre o recurso que o Concello estuda presentar á sentenza de Ence: "A nivel xudicial pouco ten que facer"
Por Anxo Lourido & Mónica Patxot
Ana Cedeira, presidenta do comité de oficinas centrais de Ence, en representación do persoal da factoría situada en Pontevedra afirma que "estamos moi contentos" ao coñecer todo o contido da decisión adoptada polo Tribunal Supremo que permite á fábrica permanecer en Lourizán ata 2073.
Argumenta que é unha "sentenza firme e fixa xurisprudencia polo órgano máis alto e todos os recursos que caben son extraordinarios". Neste sentido, asegura que os traballadores "estamos moi tranquilos" ao ler os argumentos do Tribunal Supremo e explica que "malia que haxa un voto particular discordante, a sentenza a favor de cinco contra un está axustada a dereito".
Ana Cedeira, como número dous de Pontevedra alternativa e cidadá de Pontevedra, expón tamén que lle parece "un despilfarro" que o Concello de Pontevedra recurra a instancias máis altas. Reclámalle a Miguel Anxo Fernández Lores, alcalde do municipio, que diga "canto custa o proceso porque non será nada barato e non creo que todos os pontevedreses estean de acordo con este despilfarro de fondos públicos".
Sinala tamén que a retirada de Ence da ría pontevedresa "foi o argumento bandeira dos programas do BNG nos últimos 20 anos caera quen caera e a calquera prezo" e explica que entende "que teña que seguir enrocándose con este tema pero a nivel xudicial pouco ten que facer". Cedeira sentenza asegurando que "aquí toca gobernar para todos e non só cos que comparten as túas ideas".
Relacionadas:
-
Greenpeace ve na postura do Supremo sobre ENCE unha "visión moi restritiva da protección" do litoral
Por Redacción |
-
O Concello presenta un "incidente de nulidade" para que a sentenza de ENCE volva á Audiencia Nacional
Por Oskar Viéitez |
-
ENCE celebra que o Supremo "despexe a incerteza" sobre o seu futuro en Lourizán
Por Alejandro Espiño |
-
Lores afirma que a sentenza de Ence abre novas posibilidades de recurso e garante que o Concello "vai seguir loitando"
Por Mónica Patxot & Anxo Lourido |
-
O voto particular contra a sentenza do Supremo sobre ENCE advirte do "dano irreversible" ao litoral
Por Alejandro Espiño |
-
Os informes ambientais, a 'clave' para que o Supremo avalase a continuidade de ENCE ata 2073
Por Alejandro Espiño |