![](/web/cache/scene/uploads/fotos/foto/de2/_S7QytKoutjK3UsovKMnMzytWsi62MjawUqrKz891Lsov0DGzMN_/_AxNjDQSU7NK0kt0snNTEnJSVWyrgUA_/646ce2bd88-dsc_0094.jpg)
© Colegio de Farmacéuticos de Pontevedra
O Colexio de Farmacéuticos de Pontevedra premia o labor de ASSEII
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
No marco do Encontro Farmacéutico do Colexio de Farmacéuticos de Pontevedra, celebrado na Toxa con preto de 300 profesionais do sector, entregáronse os II Premios Farmacéuticos a Asociacións de Pacientes.
Nestes galardóns os farmacéuticos pontevedreses recoñeceron o labor da Asociación Socio Sanitaria de Enfermidades Inflamatorias Intestinais e Ostomizados (ASSEII).
"É unha asociación que non está profesionalizada, senón que o seu labor depende do traballo desinteresado de persoas afectadas pola enfermidade, cuxa filosofía é devolver á sanidade pública e á sociedade o que lles deron, e que lles permite que hoxe poidan gozar das súas familias e levar unha vida digna", explica a presidenta do Colexio, Alba Soutelo.
Engadiu que "a súa procura de solucións para cada necesidade que detectan e a súa loita pola igualdade de oportunidades para as persoas afectadas por estas enfermidades" failles merecedores dos II Premios Farmacéuticos a Asociacións de Pacientes do Colexio de Farmacéuticos de Pontevedra.
Ángela Paz, presidenta de ASSEII, recolleu o galardón agradecendo o recoñecemento que supón ao labor diario da asociación que preside e cedeu a palabra a Laureano Outeda, un membro da asociación que transmitiu aos presentes as extremas dificultades que atopa no seu día a día como persoa afectada.
No transcurso do Encontro Farmacéutico fíxose entrega ademais de diplomas aos novos farmacéuticos colexiados no ano 2022.
Relacionadas:
-
A voz dos pacientes con ostomías chega dende Bruxelas ao consistorio pontevedrés
Por Redacción |
-
O hospital Montecelo acollerá este sábado a XII Xornada Provincial de Ostomías
Por Oskar Viéitez |
-
Galicia estrea un novo modelo asistencial para a enfermidade inflamatoria intestinal
Por Redacción |
-
Ana Pastor visita a sede da Asociación Socio Sanitaria Educativa Inflamatoria Intestinal
Por Redacción |