Ana Pastor visita a sede da Asociación Socio Sanitaria Educativa Inflamatoria Intestinal
Por Redacción
Ana Pastor e Pepa Pardo, números 1 do Partido Popular de Pontevedra ao Congreso e ao Senado, acudían este venres ás oficinas de ASSEI, a Asociación Socio Sanitaria Educativa Inflamatoria Intestinal, situadas en Sor Lucía.
Este encontro forma parte das entrevistas que os populares manteñen con entidades e asociacións para coñecer as súas necesidades e, ao mesmo tempo, explicar as medidas polas que aposta o PP.
Pastor destacou o labor que exerce esta asociación desde hai anos e escoitou as súas propostas en materia de fármacos, alimentación e produtos sanitarios.
"A sanidade é unha prioridade no proxecto político do Partido Popular", explicou a representante política para prometer que "o primeiro que imos facer no Goberno será convocar mil prazas extraordinarias de médicos de familia".
Sinalou que no proxecto do PP inclúense programas para traballar con todas as asociacións de pacientes que "deben ter máis protagonismo e relevancia" e lembrou a Lei de autonomía do paciente, que se aprobou cando Ana Pastor era ministra de Sanidade para recoñecer os dereitos individuais dos pacientes. Explicou que é necesario mellorar a lexislación actual e avogou pola colaboración de asociacións e pacientes para estudar prestacións, servizos e funcionamento do sistema sanitario.
Sostivo que os esforzos dos populares se alcanzan o goberno centraranse en "garantir a sanidade pública, universal e gratuíta de gran calidade".
Relacionadas:
-
O hospital Montecelo acollerá este sábado a XII Xornada Provincial de Ostomías
Por Oskar Viéitez |
-
Un sistema "homogéneo" para toda España, a proposta do PP en materia de educación
Por Redacción |
-
Pepa Pardo en Vilagarcía defende un gran pacto de apoio á maternidade, á infancia e á conciliación
Por Redacción |
-
O Colexio de Farmacéuticos de Pontevedra premia o labor de ASSEII
Por Redacción |
-
A Asociación Socio Sanitaria Educativa Inflamatoria Intestinal presenta unha guía sobre esta enfermidade
Por Oskar Viéitez |
-
Entrega de chaves na inauguración do cambiador inclusivo da Praza de Galicia
Por Redacción |
-
ASSEII inaugura unha exposición fotográfica dedicada a persoas con ostomía
Por Redacción |