Entrega de chaves na inauguración do cambiador inclusivo da Praza de Galicia
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/4c1/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/642acaf4e3-whatsapp-image-2023-04-03-at-12.15.40-2-.jpg)
© Concello de Pontevedra
![](/web/cache/scene/uploads/fotos/foto/ab9/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/642acb0b83-whatsapp-image-2023-04-03-at-12.15.38.jpg)
© Concello de Pontevedra
Desde este luns 3 de abril xa está dispoñible o cambiador inclusivo situado na Praza de Galicia. Ao acto de inauguración acudía un amplo grupo de integrantes de colectivos con posibles persoas usuarias deste espazo como Amencer-Aspace; Asseii; Amizade; e Asem Galicia.
Neste encontro participaban tamén Iván Puentes, portavoz municipal do PSOE; Marcos Rey e Yoya Blanco, concelleiros socialistas do goberno local. Durante este acto mostráronse os elementos e funcións que ofrece este novo servizo, que contou coa intervención do director da asociación Cambiadores Inclusivos e o CEO da firma Gaman Diversidade e Inclusión, Andoni Etxebarría.
Tamén se entregaron os primeiros xogos de chaves deste proxecto piloto, que permanecerá activo durante tres meses. Ao longo deste período de experiencia, os integrantes das asociacións terán a posibilidade de probar o funcionamento e realizar propostas para a mellora do servizo.
O cambiador inclusivo ofrece unha ducha, un inodoro e unha padiola nun espazo de doce metros cadrados, especialmente deseñado para persoas con grandes ou complexas necesidades de asistencia na hixiene ofrecendo cobertura ás necesidades básicas para o aseo persoal que os baños accesibles estándar non satisfán a través dun ambiente seguro e limpo; equipos axeitados; espazo amplo para permitir a asistencia de ata dúas persoas; e control de acceso xestionado e coordinado.
Relacionadas:
-
Demanda socialista dunha rede de aseos inclusivos accesibles durante as 24 horas en Pontevedra
Por Redacción |
-
Ana Pastor visita a sede da Asociación Socio Sanitaria Educativa Inflamatoria Intestinal
Por Redacción |
-
O Pazo Provincial acolle a exposición fotográfica 'Yo Decido' de ASPACE
Por Redacción |
-
A Asociación Socio Sanitaria Educativa Inflamatoria Intestinal presenta unha guía sobre esta enfermidade
Por Oskar Viéitez |
-
O primeiro cambiador inclusivo de Pontevedra estará na Praza de Galicia
Por Redacción |
-
Cinco entidades da discapacidade piden a instalación dun gran cambiador inclusivo en Pontevedra
Por Redacción |