Cuarta concentración de persoal para denunciar o desmantelamento paulatino do centro de menores Avelino Montero
Por Cristina Saiz & Anxo Lourido
Persoal do centro tutelar de menores Avelino Montero volvía concentrarse este martes ante a proposta de modificación da Relación de Postos de Traballo presentada pola Consellería de Política Social e Xuventude que, segundo alega, despreza as razóns expostas polos profesionais do centro da necesidade de manter a figura dos educadores.
Os representantes sindicais sinalan que tamén os colexios profesionais e os datos da memoria anual da Fiscalía de Pontevedra, detallando o incremento de delitos entre menores, avalan esa petición de manter o persoal do centro cubríndose as baixas de educadores.
Os manifestantes consideran que a Xunta de Galicia quere crear equipos na Xefatura Territorial de Vigo desmantelando de maneira progresiva e paulatina o centro tutelar de Pontevedra, único da administración autonómica con xestión pública.
Lembran que a Consellería conta con orzamento e alternativas para ofrecer unha resposta ás necesidades de reforzo de persoal para crear equipos na Xefatura Territorial de Vigo sen que se deteriore o Avelino Montero. Temen, ademais, que tras esta operación se pretenda deixar a xestión do centro en mans dunha entidade privada.
Lamentan tamén que o goberno galego non teña en conta as alegacións formuladas para que se manteña o cadro de persoal para dar cobertura aos menores que se atopan baixo custodia xudicial.
Relacionadas:
-
A Xunta sostén no Parlamento de Galicia a súa aposta pola continuidade da xestión pública do Centro Avelino Montero
Por Anxo Lourido |
-
Nova protesta pola eliminación de educadores no Avelino Montero: "o centro non pode ser un aparcamento de menores"
Por Anxo Lourido |
-
Protesta do persoal no Avelino Montero ante o temor de que a Xunta privatice o centro titelar de menores
Por Mónica Patxot & Anxo Lourido |
-
Temen a privatización do Centro de Menores Avelino Montero ao non cubrir catro prazas de educadores
Por Mónica Patxot & Anxo Lourido |
-
UXT sospeita da privatización do centro de menores Avelino Montero
Por Oskar Viéitez |