Pontevedra Viva!

Máis +
Partido entre Pontevedra e Racing de Ferrol en Pasarón

© Cristina Saiz

O Racing de Ferrol, primeiro rival confirmado na pretempada do Pontevedra

Redacción

Por Redacción

Non hai adestrador confirmado e aínda restan algo máis de dúas semanas para que o balón bote a rodar de novo para o Pontevedra co inicio a pretempada, fixado para o luns 26 de xullo, pero o cadro granate conta xa co seu primeiro amigable pechado.

Do mesmo xeito que nas últimas campañas, a confirmación chegou por vía do rival para ese partido, que non será outro que o Racing de Ferrol, adversario o último curso e que agora militará na Primeira RFEF.

O conxunto departamental deu a coñecer as datas da súa pretempada e entre elas inclúe un choque fronte aos granates o domingo 8 de agosto en Pontevedra.

 

Será o regreso a Pasarón de varios xogadores importantes na historia recente do club como David Castro, Kevin Presa ou Miguel Loureiro, recentemente asinados polo Racing.

Os verdes chegarán previsiblemente máis rodados á cita, debido a que os seus adestramentos darán comezo o próximo 14 de xullo, 12 días antes de que o Pontevedra faga o propio para encarar seis semanas de preparación ata o inicio da competición oficial, no caso da Segunda RFEF previsto para o 5 de setembro.

Relacionadas: