Ángel Rodríguez ten claro o substituto de Rubio fronte ao Langreo: "Agora o que fai falta é que ese xogador se reivindique"
Por Diego Espiño
O Pontevedra Club de Fútbol prepárase para a primeira das catro finais que lle restan ata final de tempada para recuperar o liderado e facerse co posto de ascenso directo, recibindo este domingo 24 de abril no Estadio Municipal de Pasarón á UP Langreo (17.00 horas).
Os granates afrontan a cita con varias incógnitas no que respecta ao once, coa ausencia por sanción dun home que foi fixo nas aliñacións como Alberto Rubio, o posible regreso de Diego Seoane tras a súa lesión e que pasará coa dupla de ataque formada por Charles e Rufo e se se manterá na formación titular.
No que respecta a a primeira cuestión, con Oier Calvillo e Romay como principais aspirantes ao posto, "teño claro como vou xogar e ao futbolista que vou poñer. Agora o que fai falta é que ese xogador se reivindique, demostre que está preparado que o está, estamo demostrando semana tras semana, e esperemos que faga un bo partido", recoñeceu este venres Ángel Rodríguez.
O técnico revelou ademais que tanto Seoane como Álvaro Cortés, ausente da convocatoria en Vilagarcía por problemas musculares, "van mellorando. Imos ver se poden chegar á fin de semana, que espero que si, que estean ben para entrar na lista". De feito no que respecta ao lateral "día a día habemos visto que foi mellorando e faime ser optimista de que poida estar a fin de semana", avanza.
Por último, sen desvelar os seus plans para a dianteira "eu teño moi claro o que vou facer, como vou xogar. Teño moi claro que se o facemos ben estaremos moi preto da vitoria porque somos un equipo que en ataque funciona moi ben, fai moitas ocasións, co cal poña a quen poña entendo que debe saír ben", defendeu o técnico.
"Non se pode fallar desde hai moito tempo. Igual o punto de Arosa é un bo punto, veremos o que pasa de aquí ao final de tempada, pero temos que sumar de tres", analizou Rodríguez sobre unha situación de presión que "creo que manexamos ben" ao longo da tempada, e á que tamén debe enfrontarse un Langreo que chega metido de cheo na loita pola permanencia, a un punto de feito dos postos de descenso.
O que será importante unha semana máis, segundo o adestrador, será o apoio dunha afección que "lle deu unha volta a todo, está a arrimar o ombreiro, está á beira do equipo e está a ser fundamental para nós".
O colexiado do encontro será Aleksandar Ivaylov Angelov Borisov, árbitro de orixe búlgara pertencente ao comité territorial balear.
Relacionadas:
-
Oier Calvillo: "El domingo fui feliz, no puedo pedir más"
Por Manu Otero |
-
A estrea goleadora do 'rookie' do ano no Pontevedra
Por Manu Otero |
-
O Pontevedra recupera o liderado cun triunfo merecido e sufrido fronte ao Langreo (3-2)
Por Manu Otero & Cristina Saiz |
-
Brais Abelenda vese máis anos no Pontevedra: "Se as cousas van ben esperemos seguir aquí"
Por Diego Espiño & Mónica Patxot |
-
Desestimado o recurso do Pontevedra pola segunda tarxeta a Alberto Rubio na Lomba
Por Diego Espiño |
-
O Pontevedra repite promoción para recibir o Langreo, cunha invitación de balde para cada socio
Por Redacción |
-
Álvaro Cortés engrosa a enfermería do Pontevedra por "un problema muscular no abdutor"
Por Redacción |
-
Alberto Rubio, sanción segura aínda que prospere un recurso do Pontevedra
Por Diego Espiño |
-
Ángel Rodríguez: "Este árbitro pitounos na casa, equivocouse e a sensación que che dá é que quere compensar"
Por Diego Espiño |
-
Empate insuficiente para Arosa e Pontevedra nun derbi de alta voltaxe (1-1)
Por Diego Espiño & Cristina Saiz |