Louzán insiste en que A Lanzada non pode ser obxecto de disputa entre Sanxenxo e O Grove
Por Redacción
O presidente da Deputación Provincial, Rafael Louzán, ve con receo a decisión da alcaldesa de Sanxenxo, Catalina González, de levar a pleno e retomar o debate co Concello do Grove sobre os lindes da praia da Lanzada.
Os gobernos de Sanxenxo e O Grove pertencen ao Partido Popular. Por este motivo, Rafael Louzán considera que "o emblema da praia da Lanzada non pode ser obxecto de disputa" e apunta que detrás deste enfrontamento hai causas económicas.
O presidente do PP provincial entende" que a solución pasa porque os dous alcaldes, Catalina González e Miguel Ángel Pérez se senten e dialoguen para ver "o que poden facer" ao entender que o debate carece de sentido porque "deberiamos ocuparnos de cousas máis importantes".
Neste sentido, Louzán insistiu en que é necesario o entendemento entre as partes porque se trata dun enclave moi sensible e engadiu que igual é necesario marcar os lindes atendendo ás necesidades derivadas da concesión dalgunha licenza da actividade.
Relacionadas:
-
Sanxenxo e O Grove reuniranse o 8 de xuño para resolver a titularidade da Lanzada
Por Redacción |
-
Sanxenxo reivindica a "propiedade histórica" do monte da Lanzada
Por Oskar Viéitez |
-
Sanxenxo reclama revisar os lindes co Grove para resolver a titularidade da Lanzada
Por Redacción |
-
O Grove leva ao Pleno unha moción sobre A Lanzada para "defender o que lexitimamente nos pertence"
Por Diego Espiño |
-
O surf borra as fronteiras na Lanzada
Por Oskar Viéitez |
-
Sorpresa e "incredulidade" do alcalde do Grove ante a reclamación de Sanxenxo
Por Redacción |
-
Sanxenxo enfróntase ao Grove e reclama a titularidade de toda a praia da Lanzada
Por Redacción |