Supera reclama preto dun millón de euros para renunciar á súa concesión en Rías do Sur
Por Diego Espiño
Despois de case unha semana de espera, a empresa Supera, encargada da xestión do Complexo Deportivo Rías do Sur de Ponte Muíños, moveu ficha para desbloquear o peche da piscina olímpica.
Segundo puido saber PontevedraViva a empresa concesionaria, á que aínda lle restan 14 anos de contrato, valorou en ao redor dun millón de euros a cifra pola que estaría disposta a renunciar ao que queda de concesión.
"Presentáronnos a documentación que lles solicitabamos e unha oferta, pero entendemos que é só un punto de partida para unha posterior negociación", recoñeceu o presidente da Fundación Rías do Sur, Héctor Vilariño, tras manter a última hora do venres unha reunión cos socios fundadores para poñerlles ao corrente da situación.
Sen querer confirmar a cifra exacta que reclama Supera, Vilariño recoñece que "é totalmente inasumible a día de hoxe. A Fundación é unha entidade sen ánimo de lucro, non ten fondos para chegar a un acordo así".
En todo caso, segundo o presidente de Rías do Sur a valoración do mantemento que non se realizou na instalación a pesar de figurar no contrato debería ser incluída nos cálculos.
Chegados a este punto "o equipo xurídico está a valorar todas as opcións", explica, o que pode pasar tamén por que se esixa o cumprimento do contrato tal e como está ou mesmo a rescisión por incumprimento das condicións pactadas, aínda que "se chegamos a un acordo moito mellor", segue a mater o responsable da Fundación..
Relacionadas:
-
Os nadadores seguirán un mes máis nas piscinas do CGTD e a Escola Naval á espera de resolver o conflito en Rías do Sur
Por Redacción |
-
Inician unha recollida de firmas en Change.org contra o peche do Complexo Deportivo Rías do Sur
Por Diego Espiño |
-
O clamor dos clubs deportivos polo peche de Rías do Sur percorre as rúas de Pontevedra
Por Cristina Saiz & Diego Espiño |
-
Primeira xornada de peche total no Complexo Deportivo Rías do Sur
Por Diego Espiño |
-
Cruzamento de declaracións entre o Galaico Sincro e Supera polo peche de Rías do Sur: "Non secuestramos nenos"
Por Diego Espiño |
-
As protestas polo peche da piscina olímpica trasládanse ao centro da cidade
Por Redacción |
-
Unha cláusula permite á Fundación Rías do Sur recuperar a xestión se Supera pecha o complexo deportivo
Por Diego Espiño |
-
Supera anuncia o peche completo de Rías do Sur a partir do 1 de abril
Por Diego Espiño |
-
Os clubs que adestran en Rías do Sur intensifican a súa presión porque #LaOlímpicaNoSeCierra
Por Diego Espiño |
-
O persoal de Rías do Sur lembra á empresa xestora Supera que asinou un compromiso coa sociedade pontevedresa
Por Anxo Lourido |
-
A Escola Naval e o CGTD, ao rescate dos clubs afectados polo peche de Rías do Sur
Por Diego Espiño |
-
Supera ofrécese a negociar unha rescisión da súa concesión en Rías do Sur
Por Diego Espiño |
-
Tino Fernández defende que "non queremos alternativas que supoñan un parche" para recuperar o servizo en Rías do Sur
Por Diego Espiño |
-
O deporte de elite, intranquilo polo peche de Rías do Sur: "Víase vir hai tempo que isto ía ser peor que o Titanic"
Por Diego Espiño |
-
Os populares ofrecen a súa axuda ao Concello para "reducir o impacto do peche da piscina de Rías do Sur"
Por Redacción |
-
O peche da piscina olímpica, unha decisión da concesionaria Supera a nivel nacional
Por Diego Espiño |
-
Clubs e deportistas, na estacada polo peche da piscina olímpica: "Poden chegar a desaparecer os clubs"
Por Diego Espiño |
-
As instalacións de Rías do Sur pechan temporalmente as piscinas e o spa debido aos custos enerxéticos
Por Marisa Ciordia & Anxo Lourido |