Yago Iglesias, presentado como adestrador do Pontevedra: "A miña intención é estar moitos anos no club"
Por Diego Espiño & Mónica Patxot
Acompañado da presidenta Lupe Murillo e de Charles Días como representante da secretaría técnica da entidade. Así se presentou este luns Yago Iglesias como novo adestrador do Pontevedra Club de Fútbol. O técnico santiagués, que asina por unha tempada, aterra na Boa Vila xunto ao seu habitual segundo de a bordo, Álex Otero.
"Para min é volver a casa. Vivín nesta cidade moitos anos, estudei aquí, a miña formación como adestrador empezou nesta cidade. O primeiro club no que empecei a adestrar foi o Pontevedra Club de Fútbol na súa canteira, e 14 anos despois estou de volta para adestrar ao primeiro equipo neste proxecto tan ambicioso, tan novo", explicou Iglesias na súa intervención ante os medios de comunicación.
"A vinculación, nós traballamos sempre ano a ano, sabedes que o fútbol é moi volátil, pero a miña intención é estar moitos anos no club, é un proxecto que eu o vexo de crecemento mutuo", asegurou o preparador.
Yago non escapa da esixencia que se lle presupón ao novo proxecto deportivo granate, pero cos xogadores con contrato en vigor "hai unha base que creo que é moi sólida e forte para a categoría que imos estar", defende.
En canto ao que propoñerá o Pontevedra de Yago Iglesias "temos unha ideas, pero non son inamovibles. Gustaríame que o Pontevedra fose un equipo valente, propositivo, que saia sempre a gañar en todos os partidos", asegura, ao que se suma que "somos un corpo técnico que lle gusta traballar coa canteira. En todos os clubs que estivemos tiramos de xogadores de abaixo", algo que se reforzará con só unha categoría de diferenza.
Pola súa banda a presidenta Lupe Murillo defendeu que a chegada de Yago "creo que é unha aposta firme e decidida por facer un proxecto que teña estabilidade e éxitos a curto prazo. O club vai perseguir o ascenso a Primeira RFEF e estamos contentos que esta aposta por Yago se levara a cabo. Buscouse alguén que tivese experiencia na categoría, eso foi clave", explicou recoñecendo que "non era a primeira vez que o seu nome se puxo enriba da mesa".
Tamén Charles, con quen traballará de xeito conxunto para seguir perfilando o plantel da próxima tempada, sinalou que "para min e para a secretaría técnica é o adestrador ideal".
Na presentación de Yago Iglesias adiantouse ademais que o 17 de xullo é a data elixida en principio para volver aos adestramentos. Un día que o novo técnico granate xa espera con impaciencia.
Relacionadas:
-
Nin o 'gol de Señor' salvou o Pontevedra do descenso na Primeira RFEF nun ano para esquecer
Por Diego Espiño |
-
Charles, unha baza decisiva para convencer ás fichaxes: "En canto falei con el díxome que ía ser un bo equipo para ascender"
Por Diego Espiño |
-
Yago Iglesias terá un staff de cinco técnicos no que Álex Otero fará de axudante e preparador físico
Por Manu Otero |
-
O Pontevedra dispón de cinco fichas libres, tres delas sénior, para apontoar o seu proxecto en 2ªRFEF
Por Manu Otero |
-
Óscar Castellano 'Chiqui', primeira fichaxe do Pontevedra
Por Diego Espiño |
-
As datas da Segunda RFEF: O Pontevedra iniciará a liga a primeira fin de semana de setembro
Por Diego Espiño |
-
O Pontevedra, a por a súa quinta tempada vestindo a marca Hummel
Por Diego Espiño |
-
Baixada de prezos e recuperación de bonificacións ás peñas na nova campaña de socios do Pontevedra
Por Diego Espiño |
-
Churre: "Non busquei máis cousas, a miña primeira opción era o Pontevedra"
Por Diego Espiño |
-
Unha planificación deportiva no Pontevedra "agora si con tempo"
Por Diego Espiño |
-
Churre renova por unha tempada co Pontevedra
Por Diego Espiño |
-
Charles asume galóns na secretaría técnica do Pontevedra
Por Diego Espiño & Mónica Patxot |
-
Yago Iglesias, confirmado como novo adestrador do Pontevedra
Por Diego Espiño |
-
A elección do novo adestrador granate, unha decisión inminente
Por Diego Espiño |
-
Contar co filial na Terceira RFEF, unha arma para o Pontevedra na súa planificación deportiva
Por Diego Espiño |
-
Un Pontevedra orfo de director deportivo pero dando pasos no seu novo proxecto
Por Diego Espiño |
-
Miguel Román: "Agora mesmo quero crecer e o meu futuro non está no Pontevedra"
Por Diego Espiño |
-
Sergio Moreira despídese do Pontevedra despois de 12 anos: "Espero que a porta desta casa (que é a miña) sempre quede aberta"
Por Diego Espiño |