O inventario de todos os camiños de Cerdedo xa está en mans do goberno local
Por Redacción
O Concello de Cerdedo-Cotobade recibe o inventario completo da rede e a titularidade das pistas e camiños municipais correspondentes co territorio de Cerdedo co obxectivo de coñecer con exactitude cales son as vías da súa competencia para poder definir a súa responsabilidade e plans de mellora nas mesmas.
O goberno local encargou este servizo de inventario a comezos de febreiro, cun orzamento global de 15.000 euros, a un equipo especializado e externo conformado por persoal de enxeñería e informática e despois de catro meses a primeira fase do plan concluíuse coa entrega do documento.
Agora será o executivo municipal o que, tras unha reunión inicial de análise celebrada este mércores, vai perfilar o contido deste inventario corrixindo algúns excesos, como vías privadas ou en desuso, e a posible inclusión dalgunhas que puideran quedar fóra do expediente. Posteriormente, abrirase o correspondente período de exposición pública para que a veciñanza poida consultalo e formular as correspondentes alegacións. O obxectivo é aprobalo definitivamente leste mesmo ano.
"Xa dispoñemos do inventario de camiños municipais correspondente coas 13 parroquias de Cotobade e, dada a súa utilidade, agora pretendemos acometer o mesmo estudo no territorio de Cerdedo para unificar esta documentación e favorecer a programación de obras", explicou o alcalde, Jorge Cubela.
"Poden xurdir dúbidas con moitos camiños, ben porque pertenzan a outras administracións, parcelarias ou propietarios privados, e por iso queremos saber con exactitude sobre que vías somos responsables e correspóndenos actuar”, xustificou o rexedor.
Relacionadas:
-
A veciñanza de Cerdedo-Cotobade terá 20 días para revisar o novo inventario de bens e dereitos municipais
Por Redacción |
-
Cerdedo-Cotobade aborda outra fase da mellora do vial entre Piñeiro e Tresaldeas
Por Redacción |
-
En marcha a segunda fase de mellora de camiños de Cerdedo-Cotobade
Por Redacción |
-
Cerdedo-Cotobade anuncia un Plan de Investimentos de 8,3 millóns de euros para a reactivación económica
Por Redacción |
-
A tarxeta Xente Nova comezará a emitirse este mércores nos concellos da área de Pontevedra
Por Oskar Viéitez |
-
A Xunta adxudica a obra de rehabilitación de oito vivendas protexidas en Cercedo-Cotobade
Por Redacción |
-
O balneario, as pozas públicas e as saunas dos Baños do San Xusto abrirán en 2021
Por Redacción |
-
Cerdedo-Cotobade consegue xestionar por vez primeira máis de 10 millóns
Por Redacción |