Cara a cara #386: Ayanta Barilli e 'Si no amaneciera'
Lun | 17:00 | 17:26
Ayanta Barilli, trae un libro intimista onde un pai e unha filla fan repaso ás súas vidas durante as últimas vinte e catro horas do primeiro. Un pai, o da escritora - Fernando Sánchez Dragó -, falecía dúas semanas antes da publicación da nova novela da súa filla. "Paradoxos, sincronías, causalidades, de todo un pouco, pero ten que ver con ese caldeiro máxico da creatividade que fai que poidas anteceder cuestións tan importantes para unha persoa como a desaparición dun pai e iso é o que sucedeu", descríbeo a autora.
Desenvólvese durante o contexto do confinamento pandémico e neste "longo adeus dunha filla ao seu pai" ambos se abren nunha película vital que protagonizan Manuel e Anita. Ler 'Si no amaneciera' leva a un mirarse cara a dentro, a deterse na lectura e facerse moitas preguntas. Ayanta Barilli convida a coñecer á persoa que tamén é un pai, unha nai, porque "logo os nosos maiores vánsenos e acabamos mendigando información aos demais e mesmo nos chegamos a sorprender porque nos dan unha imaxe que quizá non sexa a que temos".
Foto: Carlos Ruiz B.K.
