Pontevedra Viva!

Máis +
Jorge Cubela e Lina Garrido (arquivo)

© Mónica Patxot

O PSOE de Cerdedo-Cotobade pide a Cubela que aclare como reformará os Baños de San Xusto se perde a subvención

Redacción

Por Redacción

Pozas públicas previstas nos Baños de San Xusto

© Concello de Cerdedo-Cotobade

Obras de rehabilitación dos Baños do San Xusto

© Concello de Cerdedo-Cotobade

Nova réplica do terremoto político provocado polo proxecto de rehabilitación dos Baños de San Xusto no Concello de Cerdedo Cotobade. Despois de que o alcalde de Ponte Caldelas acudise ao Defensor do Pobo para denunciar o convenio entre o Concello e a Xunta para executar a obra e que o rexedor de Cerdedo-Cotobade, Jorge Cubela, censurase a actitude da portavoz do grupo local do PSOE, Lina Garrido, por romper a unanimidade da corporación; a socialista esixe ao mandatario popular que "se poña a traballar na obtención de informes sobre ou impacto escrito do Defensor do Pobo" que considera nulo de pleno dereito o convenio.

Reitera Garrido a súa posición favorable cara á reforma dos Baños de San Xusto pero "sempre dentro da legalidade". Neste sentido acusa á Xunta de Galicia de "caciquear" con 700.000 euros de diñeiro público.

Desde o PSOE piden a Jorge Cubela que explique que vai facer o Concello se tivese que devolver a subvención como propón o Defensor. “Hai un risco máis que certo de que este tipo de subvencións directas de varias consellerías ao noso Concello poidan acabar causándonos un quebranto económico a medio prazo”, explica a portavoz municipal.

Remata a súa resposta Lina Garrido criticando a Cubela por sementar dúbidas sobre "a principal autoridade de España en control de legalidade dás Administracións Públicas" e lembra que o Defensor do Pobo considera nuño o convenio por " terse outorgado a dedo e a escuras”.

Relacionadas: