Pontevedra busca ser un "fervedoiro" cunhas Festas de Verán convertidas no 'Pontevedra Verán Fest'
Como calquera festival que se prece, as Festas de Verán de Pontevedra terán a súa propia pulseira. Pretende ser un símbolo do espírito baixo o que a cidade busca ser un "fervedoiro" de actividades durante os meses de xullo e agosto.
Serán 58 días de festas con 356 actividades nas que participarán uns 285 grupos e artistas de todos os estilos. "É un programa completísimo do que estamos moi satisfeitos", sinalou o alcalde de Pontevedra, Miguel Anxo Fernández Lores, na súa presentación.
Fernández Lores, que estivo acompañado do novo edil de Festas, Demetrio Gómez, destacou que ao longo destes dous meses haberá actividades no centro da cidade, pero tamén en barrios como Monte Porreiro, San Roque, O Burgo ou A Parda.
Os "verdadeiros protagonistas" de toda esta programación "é a xente de Pontevedra e os que nos visitan cada verán", segundo explicou o alcalde, que asegurou estar "moi ilusionado" con esta oferta lúdica e festiva "que vai a supoñer un revulsivo para a economía da cidade".
"Buscamos chegar a todos os públicos. Hai actividades para os pequenos, a xente moza e os maiores. Esa é a principal característica destas festas", subliñou Lores, que revelou que o orzamento que se destina este ano para as Festas de Verán supera o millón de euros.
As Festas da Peregrina, pola súa importancia e singularidade, terán un protagonismo especial dentro das Festas de Verán de Pontevedra, que tras o aperitivo que supuxo o festival Surfing the Lérez, terás 23 programas diferentes distribuídos en 42 escenarios distintos.
O punto de partida deste 'Pontevedra Verán Fest' será a Festa dos Libros, que se celebrará entre os días 7 e 9 de xullo, na Praza da Ferrería.
Coincidirá co Senda Fest (7 e 8 de xullo), o festival de música electrónica, que estrea nova localización, o parque de Tafisa, con John Talabot, Oma Totem, Nico Guillermo Lucena, Spacer, Mena G, Systema, Arque, Camilo Miranda, Christian Lem, La_ind0 e Certain People.
O 11 de xullo será a romaría popular de San Bieito. A vertente relixiosa celebrarase nos arredores do mosteiro de Lérez e a lúdica nos Salóns do Lérez coa tradicional mexilloada e a música de Gaiteiros das Rías Baixas, Os Alegres, Pousos de Area e Pola Vila. Haberá ademais verbena no atrio do mosteiro coa orquestra Triunfo.
O ciclo Música de Bandas incluirá cinco citas. Os concertos da Banda de Música Xuvenil de Salcedo e a Banda de Música Xuvenil da Unión de Gulán (8 de xullo) e da Coral de Poio, a Coral Polifónica de Barro e a Coral Polifónica de Salcedo (9 de xullo) serán os primeiros.
A eles seguiranlles as actuacións da Banda de Música "Belas Artes" e a Banda de Música de Salcedo (15 de xullo), da Banda de Música de Pontevedra (4 de agosto) e da Banda de Música de Salcedo (23 de agosto). Todo iso en diferentes escenarios da cidade.
Cinco serán as películas que se proxectarán na Praza da Pedreira dentro do ciclo Cinema e Estrelas, entre os días 11 e 15 de xullo. Serán Todo á vez en todas partes -gañadora do premio Óscar-, Alcarràs, Decision To Leave, Triángulo de tristeza e Johnny Guitar.
Regresará tamén o Memorial Ricardo Portela que, no seu XXIV edición, homenaxeará a Concepción Rodríguez Álvarez,"Concha de Luneda". Será do 14 ao 16 de xullo e, ademais da mostra de instrumentos tradicionais, actuarán Lagharteiras, Xistra de Coruxo e Os Folieiros.
Unha das novidades será Titirivedra, un ciclo infantil de monicreques na Alameda que, entre os días 17 e 23 de xullo, traerá a Pontevedra a Rui Sousa, Títeres Crebanoces, Larraitz Urruzola, Títures Cachirulo, Os Monicreques de Kukas, Marionetas Trécola e Títeres Alakrán.
O campo de Vilar de Fragoso, en Santo André de Xeve, volverá acoller unha nova edición do Festixeve, do 20 ao 23 de xullo, amenizada por Banda Xangay e Quinkillada e con numerosas actividades, entre elas orientación nocturna, unha romaría ou xogos populares.
Outra das citas importantes serán as Festas do Santiaguiño do Burgo, do 22 ao 26 de xullo, que contarán cos tradicionais actos relixiosos, pasacalles e atraccións no Recinto Feiral ou verbenas coas orquestras Venezia, América, Sinfonía e Magos.
Itineranta, do 26 ao 28 de xullo, encherá de animación as rúas e prazas do centro histórico cos espectáculos das compañías Todo Zancos, CIA Cirteani, Latexo Percusión, Pablo Méndez Performances, Actúa Produccións, Fadunito, Yera Teatro, Pia e Deabru Beltzak.
E a música con selo pontevedrés poñerá o broche de ouro ao mes de xullo con Local Pop Rock. Os días 29 e 30 de xullo, ademais dunha nova edición do Black Hole, actuarán Rusty James & Fringe, Odiosos 5, Saracas e Anita, Cora Velasco, Freshkiños e Los Tonikahs.
O FESTIVAL DE JAZZ, EN AGOSTO
O Animatrón, con actividades infantís no parque das Palmeiras, e as Xornadas Musicais en San Roque, coas actuacións de Os Firrás, Vento Mareiro, A Maquía, Pontus Véteris, e a Banda de Música de Pontevedra abrirán o mes de agosto, ata o día 4.
Ambos coincidirán, en parte, cunha nova edición do ciclo Con Voz de Muller, que ofrecerá entre o 3 e o 6 de agosto, os concertos de Fillas de Cassandra, A Banda da Loba, Leilía e Ses.
Seguiralles unha nova edición, a número 29, do Festival Internacional de Jazz e Blues de Pontevedra, que cambia de datas e desenvolverase na Ferrería do 7 ao 11 de agosto. Actuarán nel Carolyn Wonderland, Acantha Lang, Vanessa Collier, Pablo Patiño e Mr. River "Night Court".
O miradoiro de Monte Porreiro, pola súa banda, será escenario de novo do ciclo Urbana Monte Porreiro, os días 8 e 9 de agosto, cos catro concertos que ofrecerán Bejo, Rebeliom do Inframundo, Lamatumbá e Dakidarría.
O venres 11 de agosto, a véspera do inicio das Festas da Peregrina, coincidirán unha nova edición de Aquí Cántase, nas prazas de Curros Enríquez, Teucro, Teatro Principal e Santa María; e a tradicional reunión de Amigos de Pontevedra, que será na Finca Batacos.
Tras as festas patronais aínda quedarán actividades como a Festa do Demo (23 de agosto) ou A Meleira, a coñecida festa do mel, (16 ao 19 de agosto). A feira de artesanía Chalana, pola súa banda, estará no Paseo Antonio Odriozola do 19 de xullo ao 6 de agosto.
A Feira Franca, que este ano chegará á súa edición número 22, poñerá o broche de ouro ás Festas de Verán, como é habitual a primeira fin de semana de setembro, os días 1 e 2.
Relacionadas:
-
Regresa Titirivedra con "folgos renovados" para "facerse un oco" na tradición dos monicreques en Galicia
Por Natalia Puga & Mónica Patxot |
-
O ano no que os festivais e os eventos culturais volveron encher Pontevedra
Por Redacción |
-
Los Tres Soles del Paraguay abren oito noites musicais
Por Diego Torrado & Redacción |
-
VÍDEO.- A Boa Vila comeza as festas cantando
Por Mónica Patxot |
-
Vendidas máis da metade das entradas para o concerto de Leiva e Iván Ferreiro en Pontevedra
Por Redacción |
-
A feira do mel 'Meleira' celebra a súa 33 edición con menos expositores pero o mesmo produto local e de calidade
Por Mónica Patxot & Almu Dapena |
-
Urbana Monte Porreiro despídese con Lamatumbá e Dakidarría
Por Mónica Patxot & Redacción |
-
'Aquí cántase' porá este venres a cantar a toda a cidade de Pontevedra polas rúas do centro histórico
Por Redacción |
-
Bejo e Rebeliom do Inframundo fan estremecer Monte Porreiro
Por Redacción |
-
RADIO.- Dakidarría traen os seus vinte anos de traxectoria á Urbana de Monte Porreiro
Por Marisa Ciordia |
-
Sés, a reivindicativa voz de muller no rock galego, electrifica A Ferrería
Por Diego Torrado & Anxo Lourido |
-
Xornadas de diversión e orientación polo centro de Pontevedra
Por Redacción |
-
A Banda da Loba fabrica luz sonora ante o público da Ferrería
Por Mónica Patxot & Anxo Lourido |
-
Bejo, Rebeliom do Inframundo, Lamatumbá e Dakidarría, sons urbanos para o Miradoiro de Monte Porreiro
Por Redacción |
-
Do 7 ao 11 de agosto, blues e soul vibrarán na Ferrería no 29º Festival Internacional de Jazz e Blues
Por Anxo Lourido |
-
Medio século de premiados na xuntanza que comezou cunha sardiñada con cachelos e agora chega a Batacos
Por Natalia Puga & Mónica Patxot |
-
Carolyn Wonderland causa baixa no Festival de Jazz e será substituída por Gisele Jackson and The Shu Shu's
Por Anxo Lourido |
-
Fillas de Cassandra, A Banda da Loba, Leilía e Sés retumbarán con voz de muller as noites da Ferrería
Por Mónica Patxot & Anxo Lourido |
-
Animatrón a esgalla nas Palmeiras
Por Cristina Saiz & Anxo Lourido |
-
Paraugas andantes iluminan as rúas con Itineranta
Por Cristina Saiz & Redacción |
-
Zancudos, seres máxicos e o ritmo dos tambores repenican en Itineranta 2023
Por Redacción |
-
Itineranta fará que "pasen cousas" nas rúas de Pontevedra desde o mércores ao venres
Por Manu Otero |
-
Máis de trescentas mesas, entre particulares e hostalería, darán ambiente á Feira Franca
Por Alejandro Espiño |
-
As Festas da Peregrina xa teñen pregoeira: a dirixente veciñal Pilar Señoráns
Por Alejandro Espiño & Cristina Saiz |
-
Abre a feira de artesanía e deseño Chalana con postos de venda e demostracións de teceduría artesá
Por Cristina Saiz & María José Pita |
-
Volve Festixeve e a súa singular "procesión laica das empanadas e roscas"
Por María José Pita |
-
Os Folieiros despedirán este domingo o XXIV Memorial Ricardo Portela
Por Anxo Lourido |
-
A cativada de cero a cen anos tén unha cita en 'Titirivedra'
Por María José Pita |
-
Concha de Luneda, portadora de cantigas, figura homenaxeada no Memorial Ricardo Portela
Por Anxo Lourido |
-
A feira ambulante regresará a Rafael Areses, cando menos, ata outubro
Por Redacción |
-
A Pedreira, unha sala de cinema ao aire libre durante toda esta semana
Por Alejandro Espiño |
-
Os máis novos da Banda de Salcedo deron un concerto na Alameda
Por Redacción |
-
Amplían o horario nas terrazas con motivo das festas de verán e as Series Mundiais de Tríatlon
Por Redacción |
-
O Senda Fest reúne 14 propostas musicais de vangarda a carón do Lérez
Por Cristina Saiz |
-
Esta fin de semana comezan as xornadas 'Música de Bandas' na Alameda e no Principal
Por Anxo Lourido |
-
'Cinema e Estrelas' proxectará na Pedreira películas multipremiadas e un clásico en 35mm
Por Redacción |
-
A música electrónica de vangarda ten unha cita a partir deste venres co Senda Fest no espazo verde de Tafisa
Por Oskar Viéitez |
-
Fillas de Cassandra, A Banda da Loba, Leilía e Sés porán 'voz de muller' ás Festas de Verán
Por Alejandro Espiño |
-
Monte Porreiro vibrará cos ritmos urbanos de Bejo, Rebeliom do Inframundo, Lamatumbá e Dakidarría
Por Alejandro Espiño |
-
Carolyn Wonderland, Acantha Lang e Vanessa Collier, as estrelas internacionais para o Festival de Jazz e Blues
Por Alejandro Espiño |
-
Vanesa Martín, La M.O.D.A., Cruz Cafuné, Pimpinela, Recycled J ou Baiuca, nas Festas da Peregrina
Por Alejandro Espiño |
-
O Festival de Jazz de Pontevedra cambia xullo por agosto e será a antesala das Festas da Peregrina
Por Alejandro Espiño |
-
Mago de Oz, primeira actuación revelada das Festas da Peregrina 2023
Por Redacción |